03 June 2023
   
ImvahoNshya
  • AHABANZA
  • POLITIKI
  • UBUKUNGU
  • UBUZIMA
  • IKORANABUHANGA
  • SIPORO
  • IMYIDAGADURO
  • IZINDI
    • SOBANUKIRWA
    • AMAHANGA
    • UMUCO N’AMATEKA
No Result
View All Result
  • AHABANZA
  • POLITIKI
  • UBUKUNGU
  • UBUZIMA
  • IKORANABUHANGA
  • SIPORO
  • IMYIDAGADURO
  • IZINDI
    • SOBANUKIRWA
    • AMAHANGA
    • UMUCO N’AMATEKA
No Result
View All Result
ImvahoNshya
No Result
View All Result

MINEDUC yahinduye uburyo bwo kubara amanota y’ibizamini bya Leta

21 July 2022 - 06:33
MINEDUC yahinduye uburyo bwo kubara amanota y’ibizamini bya Leta

Dr. Gaspard Twagirayezu, Umunyamabanga wa Leta ushinzwe Amashuri Abanza n'Ayisumbuye muri MINEDUC

Share on FacebookShare on Twitter

Mu gihe abanyeshuri bo mu byiciro bitandukanye batangiye gukora ibizamini bya Leta, Minisiteri y’Uburezi yahishuye ko mu bidasanzwe byanogejwe muri uyu mwaka harimo n’uburyo bwo kubara amanota mu rwego rwo korohereza ababyeyi kurushaho gusobanukirwa ikigero cy’imitsindire y’abana babo.

Umunyamabanga wa Leta muri Minisiteri y’Uburezi (MINEDUC) Ushinzwe Amashuri Abanza n’Ayisumbuye Gaspard Twagirayezu yabigarutseho ku wa Mbere taliki ya 18 Nyakanga nyuma yo gutangiza ku mugaragaro ibizamini bya Leta bisoza amashuri abanza kuri GS Ntarama mu Karere ka Bugesera.

Ibizamini by’abasoza amashuri abanza byazojwe ku wa Gatatu bikaba bizakurikirwa n’iby’abasoza icyiciro cya mbere n’icya kabiri bizatangira ku wa Kabiri taliki ya 26 Nyakanga kugeza ku ya 2 Kanama 2022.

Yavuze ko buri mwaka, ibizamini bya Leta bigenda birushaho kunozwa no gutegurwa neza ari na yo mpamvu n’uyu mwaka waranzwe n’udushya dutandukanye.

Dr. Twagirayezu yagize ati: “Mu rugendo rwo gutegura ibizamini hari ibyagiye bihinduka bimwe na bimwe, harimo uko byateguwe, harimo uruhare rw’abarimu rwiyongereye kurushaho, ariko nanone hahinduwe n’uburyo nanone amanota abarwa. Ibyo na byo ni ubundi buryo bwagiye bukorwa kugira ngo birusheho koroha, korohera abanyeshuri ndetse n’ababyeyi kumenya amanota y’abanyeshuri babo ariko ibyo na byo tuzabibabwira mu minsi iri imbere.”

Uburyo bwari buhari bwo kubara no gutangaza amanota mu bizamini bya Leta bwari ubukomatanyije (aggregates), aho amanota y’abanyeshuri yashyirwaga mu byiciro (Divisions) hagendewe ku kigereranyo cy’abahuriye ku manota ajya kungana ariko ntihatangazwe uko buri munyeshuri yakoze, bigatuma ababyeyi bamwe na bamwe bahera mu rujijo.

Hari bamwe bagiye banagaragaza ko uburyo umwana bivugwa ko uwatsinze kurusha abandi ari uwagize inota rimwe rikomatanyije (Aggregate) kurusha uwagize menshi kugeza n’ubu babyemera ariko badasobanukiwe ibyo ari byo.

Biteganyijwe ko gahunda yo gukosora ibizamini bya Leta izakorerwa kuri santeri 19 mu Gihugu hose.

Ibigo bitatu bizakosorerwamo ibizamini bya Leta bisoza amashuri abanza biherereye mu Karere ka Muhanga, hakaba ibindi bigo 11 (5 muri Kigali na 6 mu Ntara y’Amajyepfo) bizakosorerwamo ibizamini bisoza icyiciro cya mbere cy’amashuri yisumbuye, bitatu biherereye mu Karere ka Nyanza bizakosorerwamo abasoje amashuri yisumbuye n’ibindi bibiri by’i Rwamagana na Kayonza bizakosorerwamo ibizamini by’abasoza amashuri y’imyuga n’ubumenyi ngiro (TVET).

Biteganyijwe ko ibizamini bisoza amashuri abanza bizakosorwa guhera  taliki ya 25 Nyakanga kugeza ku ya 27 Kanama 2022 mu gihe ibisoza icyiciro rusange (O-Level), uwa gatandatu w’amashuri yisumbuye (A-Level) ndetse na TVET  bizakosorwa hagati y’italiki ya 10 Kanama kugeza ku ya 10 Nzeri 2022.

Minisiteri y’Uburezi yemeza ko urutonde rw’abatoranyirijwe gukosora ibizamini bya Leta ruboneka ku rubuga rw’Ikigo cy’Igihugu gishinzwe Ibizamini n’Ubugenzuzi bw’Amashuri (NESA).

Advertisement
NTAWITONDA Jean Claude

NTAWITONDA Jean Claude

Ntawitonda Jean Claude ni umunyamakuru akaba n'umwanditsi ubimazemo igihe gisaga imyaka 10. Yatangiye gukorana n'ikinyamakuru Imvaho Nshya guhera muri Werurwe 2015. Afite impamyabumenyi y'icyiciro cya kabiri cya kaminuza (Bachelor's Degree) mu bijyanye n'Itangazamakuru n'itumanaho (Ishami ry'Itumanaho) yakuye mu yahoze ari Kaminuza Nkuru y'u Rwanda (UNR), kuri ubu yaje guhinduka Kaminuza y'u Rwanda (UR).

Comments 23

  1. Muhoza Willy says:
    11 months ago

    Byaba ari byiza kugira ngo umubyeyi amenye neza uko umwana we yakoze.

    Reply
    • Dr Olivier says:
      11 months ago

      Ibi byo kugaragaza amanota n’ibyo sawa rwose, naho ubundi bashyiraga ababyeyi mu rujijo.

      Reply
  2. Mukiza Jean Pierre says:
    11 months ago

    Mugire amahoro y’ Imana!

    Nukuri aya makuru Minisiteri y’ Uburezi yatangaje, ni ingenzi dore ko abanyeshuli n’ ababyeyi bazarushaho gusobanukirwa n’ amanota abo banyeshuli bazajya babona.

    Twifurije insinzi abanyeshuli bose bari gukora ibizamini! Twifurije kandi abarimu bose bazakosora ibizamini abo banyeshuli bazaba basoje gukora, kuzagira akazi keza karangwa n’ umurimo unoze!

    Mugire amahoro y’ Imana!!
    Murakoze cyane!!!

    Reply
  3. NIYONIZERA NYIRAMANA Martine says:
    11 months ago

    Ni byiza cyane kugaragaza amanota agendeye uko abana barushanyijwe bihereye ku menshi kugeza kuri make

    Reply
  4. Girinshuti Elissa says:
    11 months ago

    Bivuga ko bajya bayabona kw’ijana
    Byaba ari byiza

    Reply
  5. Leodogard IZABAYO says:
    11 months ago

    Ni byiza cyane rwose uburyo bwashyizweho ni bwiza cyane bityo buri wese ajye abasha kumenya uko imitsindire ihagaze. Murakoze cyane

    Reply
  6. Manasse says:
    11 months ago

    Ububuryo Ni bwiza cyane kuko buri wese amenya umusaruro umwanawe yabonye adakekeranya

    Reply
  7. Mukeshimana Colette says:
    11 months ago

    Rwose let’s numubyeyi yarebye kure kuko ababyeyi ndetse n’Abarimu ntibari basobanukiwe uko Barbara ariya manota

    Reply
  8. Uwizeyimana Anastase says:
    11 months ago

    Bazagarure n’uburyo bwo kugaragaza uko ibigo byakurikiranye mu mitsindire

    Reply
  9. Emmanuel says:
    11 months ago

    Ntako bisa gusa bite no kumyigire kurusha gutanga amanota kuko sibyo byihutirwa cyane kuku umusaruro uva kubyo wabibye

    Reply
  10. Emmanuel says:
    11 months ago

    Reka turebe uko ireme rihinduka rikagera ahashimidhije binyuze mugutangaza amanota!!

    Reply
    • Mukandayisenga says:
      11 months ago

      Ni byiza rwose bizadufasha kumenya ikigero k’imitsindire y’abo turera n’ abo turerera bave mu rujijo.

      Reply
  11. GAKURU Jean Marie Vianey says:
    11 months ago

    Gahunda y’ abacheckers ntizongera kubaho se Kobo batavuzweho mu bijyanye no gukosora neza

    Reply
  12. Theoneste Ntijyinama says:
    11 months ago

    Nibyo amanota bayagaragaze kuburyo umubyeyi asobanukirwa.nkatwe twatabonaga ari ku 100%•
    Bisobanuke PE

    Reply
  13. Halindintwali Athanase says:
    11 months ago

    Checkers basabwe uturere dufite marking centers. Ahubwo ayo makuru yaragucitse.

    Reply
    • Girinshuti Elissa says:
      10 months ago

      Nonese ko uturere twabajyanye ntitubahé ama site bazakireraho

      Reply
  14. Mukamabano Marie Louise says:
    11 months ago

    Abarimu ba P6 NESA nabo ijye ibibuka mu bizamini Dore ko n’abakosora uturere twishyiriramo abazwi ba lower ahanini!

    Reply
  15. NIYONSABA Godelive says:
    11 months ago

    Nibyiza rwose, byadutera urujjo, bizaba byiza nibashyira ku 100%

    Reply
  16. Twiringiyimana jean d'Amour says:
    11 months ago

    Very nice

    Reply
  17. IMANISHIMWE UZZIEL says:
    10 months ago

    Nkurikije aya makuru y’ilosora nketse KO ingengabihe y’umwaka utaha ishobora kuzasohoka itinze pe bityo bikaba byadutinza kubasha kugira imyiteguro twebwe nk’ababyeyi ndetse n’abandi bafatanyabikorwa b’uburezi muri rusange

    Reply
  18. Phocas says:
    10 months ago

    Rwose amanota Kuri %kuko ibindi byaraducanze.

    Reply
  19. NSHIMIYINGABO Emmanuel says:
    10 months ago

    Byiza cyane rwose ibyifuzo byabayi bizibahirizwe

    Reply
  20. manirahari patrick says:
    9 months ago

    Amanota azasohoka ryari?

    Reply

Leave a Reply to Dr Olivier Cancel reply

Your email address will not be published. Required fields are marked *

Amakuru Aheruka

Triathlon: Ikipe y’u Rwanda yitabiriye “IRONMAN 70.3” muri Afurika y’Epfo

Triathlon: Ikipe y’u Rwanda yitabiriye “IRONMAN 70.3” muri Afurika y’Epfo

June 3, 2023
Hashyinguwe mu cyubahiro imibiri 47 y'Abatutsi bishwe muri Jenoside yakorewe Abatutsi mu 1994

Muhanga: Abazi amakuru y’ahaherereye imibiri itarashyingurwa mu cyubahiro barasabwa kuyatanga

June 2, 2023
Kirehe: Abaturage bazungukira kuri TVET yatwaye asaga miliyari

Kirehe: Abaturage bazungukira kuri TVET yatwaye asaga miliyari

June 2, 2023
Byinshi ku bihembo n’iserukiramuco bya Trace bigiye kubera mu Rwanda

Byinshi ku bihembo n’iserukiramuco bya Trace bigiye kubera mu Rwanda

June 2, 2023
Dr Sabin yagizwe Umuyobozi  w’Ikigega ghinzwe kurwanya ibyorezo

Dr Sabin yagizwe Umuyobozi w’Ikigega ghinzwe kurwanya ibyorezo

June 2, 2023
Inteko Rusange ya Sena yatoye Itegeko Nshinga rya Repubulika y’u Rwanda

Inteko Rusange ya Sena yatoye Itegeko Nshinga rya Repubulika y’u Rwanda

June 2, 2023
ImvahoNshya

DUKURIKIRE KU MBUGA

DUHAMAGARE

Opp. Magerwa, Expo ground, Gikondo Kigali, Rwanda
Phone no : +250-784867952 / 53

AMAKURU AHERUKA

Triathlon: Ikipe y’u Rwanda yitabiriye “IRONMAN 70.3” muri Afurika y’Epfo

Triathlon: Ikipe y’u Rwanda yitabiriye “IRONMAN 70.3” muri Afurika y’Epfo

June 3, 2023

Rwanda Medical Supply (RMS) Limited : Tender Notice for Provision of Maintenance of Faulty Equipments

June 2, 2023
  • About
  • Advertise
  • Privacy & Policy
  • Contact

© 2022 ImvahoNshya - All rights reserved by ImvahoNshya.

No Result
View All Result
  • AHABANZA
  • POLITIKI
  • UBUKUNGU
  • IKORANABUHANGA
  • SIPORO
  • IMYIDAGADURO
  • IZINDI
    • SOBANUKIRWA
    • AMAHANGA
    • UMUCO N’AMATEKA

© 2022 ImvahoNshya - All rights reserved by ImvahoNshya.