26°C , Partly sunny | Kigali-Rwanda
Twizeyimana David wemeza ko afite intumbero yo kuzaba umusifuzi mpuzamahamga mu mukino wa Wheelchair Basketball

Wheelchair Basketball: Twizeyimana afite inzozi zo kuzavamo umusifuzi mpuzamahanga

Yanditswe na NKOMEJE GUILLAUME

Ku ya 11-07-2018 saa 07:05:11

Twizeyimana David, usanzwe ari umusifuzi mu mukino wa Basketball mu Rwanda ni umwe mu bahawe amahugurwa yo gusifura umukino wa Basketball y’abafite ubumuga bakina bicaye mu magare uzwi nka “Wheelchair Basketball”, yabaye kuva tariki 18-22 Kamena 2018.

Twizeyimana David wemeza ko afite intumbero yo kuzaba umusifuzi mpuzamahamga mu mukino wa Wheelchair Basketball

Aya mahugurwa yamaze iminsi 4, yateguwe na Komite y’igihugu y’imikino y’abafite ubumuga mu Rwanda “NPC”, ku bufatanye n’Inama y’Igihugu y’abantu bafite ubumuga “NCPD”, yitabiriwe n’abasifuzi ndetse n’abatoza  bagera kuri 18.

Mu kiganiro yagiranye n’Imvaho Nshya, Twizeyimana David yatangaje ko ubumenyi yakuye muri aya mahugurwa kuri uyu mukino wa Wheelchair Basketball yiteguye kubushyira mu bikorwa ahereye mu Rwanda.

Avuga ko afite intego yo kugera   ku rwego mpuzamahanga. Ati “Nta bwo wajya gusifura ku rwego mpuzamahanga utahereye mu rugo, uhera kuri aya mahugurwa mato ukagenda uzamuka nzashaka amahugurwa yo hejuru ku buryo naba umusifuzi mpuzamahanga muri Wheelchair Basketball”.

Nyuma yo guhugurwa, we na bagenzi be bajya bafata umwanya bagakorana imyitozo n’ikipe y’abagore ya Wheelchair Basketball ikaba ibafasha kungurana ubumenyi ndetse ari nako bashyira mu bikorwa ibyo bahuguriwe.

Twizeyimana David watangiye gusifura mu mukino wa Basketball kuva mu 2010 ni umwe mu basifuzi bakunze kuyobora imikino ikomeye mu marushanwa atandukanye ategurwa n’ishyirahamwe ry’umukino wa Basketball mu Rwanda  “FERWABA” arimo na shampiyona.

 

 

 

 

 

 

 

 

TANGA IGITEKEREZO

Leave a Reply

Be the First to Comment!

avatar