24°C , Partly sunny | Kigali-Rwanda
Niyogisubizo Samuel wasinye imyaka 3 muri UTB VC avuye muri Kirehe VC

Volleyball: UTB VC yamaze gusinyisha abakinnyi babiri bashya

Yanditswe na NKOMEJE GUILLAUME

Ku ya 03-09-2018 saa 08:51:17

Ikipe ya Kaminuza y’Ubukerarugendo, Ikoranabuhanga n’Ubucuruzi y’umukino wa Volleyball “UTB VC” baratangaza ko bakomeje ibikorwa byo kwiyubaka bityo bakaba bamaze gusinyisha abakinnyi babiri bashya bazifashisha mu mwaka w’imikino utaha wa 2019.

Niyogisubizo Samuel wasinye imyaka 3 muri UTB VC avuye muri Kirehe VC

Aba bakinnyi babiri bashya ni Niyogisubizo Samuel “Tyson” wakiniraga Kirehe VC ndetse na Mahoro Yvan usanzwe ukinira ikipe y’igihugu nkuru.

Mu kiganiro yagiranye n’Imvaho Nshya, umutoza mushya w’iyi kipe, Nyirimana Fidele yatangaje ko Niyogisubizo yashyize umukono ku masezerano y’imyaka 3 abakinira naho Mahoro Yvan akaba yarasinye amasezerano y’imyaka ibiri.

Avuga ko aba bombi ari abakinnyi beza kandi  babitezeho gufasha UTB VC gutwara igikombe cya shampiyona. Ati Niyogisubizo ni umukinnyi mwiza twarabanye turamuzi. Mahoro ni umukinnyi  mwiza mu ikipe y’igihugu, bombi twabazaniye gufasha ikipe gutwara igikombe cya shampiyona”.

Nyirimana uherutse gusinya imyaka 3 avuye muri Gisagara VC nyuma yo kuyihesha ibikombe 4 birimo icya shampiyona ya 2018, anatangaza ko bamaze kandi no kongerera amasezerano mashya abakinnyi bose ba UTB VC ndetse bateganya no gusinyisha abandi bakinnyi babiri bashya gusa ko bakiri mu biganiro.

Niyogisubizo wari ugifite amasezerano y’imyaka ibiri muri Kirehe VC yabwiye Imvaho Nshya ko yishimiye kwerekeza mu ikipe ifite intego yo gutwara igikombe cya shampiyona kandi akaba yizeye kubafasha gutwara ibikombe guhera mu mwaka w’imikino utaha.

Uyu mukinnyi watangiye gukinira Kirehe VC mu 2015 avuga ko gukinira UTB VC hari byinshi bizamugezaho. Ati Gusinya muri UTB VC bivuze ikintu kinini cyane. Ni ikipe iri ku rwego rwo hejuru, ifite intego y’ibikombe, ibyo bizamfasha nange kuzamura urwego rw’imikinire ndetse no kubaka izina ryange muri rusange.”

Mu mwaka ushize wa 2017, UTB VC yatozwaga na Mbanze Sylvestre yasoreje ku mwanya wa 3.

 

TANGA IGITEKEREZO

Leave a Reply

Be the First to Comment!

avatar