23°C , Intermittent clouds | Kigali-Rwanda

Volleyball:  REG VC igiye gutangira shampiyona yakira APR VC

Yanditswe na Bugingo Fidèle

Ku ya 08-11-2019 saa 09:19:16
REG VC yegukanye shampiyona iheruka izatangira umwaka wa 2019-2020 ikina na APR VC

Tariki 09-11-2019

REG VC-APR VC (Amahoro)

Kirehe VC-Gisagara VC (Kirehe)

IPRC-Ngoma-UTB VC (Ngoma)

Kuri uyu wa Gatandatu tariki 09 Ugushyingo 2019 ni bwo shampiyona y’ikiciro cya mbere mu bagabo  ya 2019-2020 itangira  ahateganyijwe imikino 3.

Mu mikino iteganyijwe, ikipe ya RE VC yegukanye igikombe cya shampiyona giheruka (2018-2019) igomba kwakira ikipe ya APR VC, umukino uzabera kuri Sitade Nto Amahoro i Remera.

Mu yindi mikino iteganyijwe, ikipe ya Kireha VC izakira Gisagara VC, umukino uzabera i Kirehe naho IPRC Ngoma yakire UTB VC, umukino uzabera i Ngoma.

Nyuma y’imikino y’umunsi wa mbere, tariki 23 Ugushyingo 2019 ni bwo hazaba imikino y’umunsi wa 2 aho  APR VC izakira Kirehe VC, Gisagara VC ikakira IPRC Ngoma naho  REG VC ikakira ikipe ya UTB VC, umukino uzabera muri Kigali Arena ari nawo mukino  muri Volleyball wa  mbere uzaba uhabereye.

Shampiyona itangiye nyuma y’irushanwa ryateguwe n’ikipe ya Gisagara VC ribanziriza shampiyona “Gisagara Preseason Tournament 2019”. Iri rushanwa ryabaye tariki 02 na 03 Ugushyingo 2019 ryegukanwe n’ikipe ya UTB VC itsinze ku mukino wa nyuma REG VC amaseti 3-2 (26-24, 29-31, 25-20, 20-25 na 15-09).

Umwaka ushize wa shampiyona ya 2018-2019, ikipe ya REG VC ni yo yegukanye igikombe ari nacyo cya mbere. Yakurikiwe na Gisagara VC, UTB VC naho kumwanya wa 4 haza IPRC Ngoma.

Umwanditsi:

Bugingo Fidèle

Tanga Igitekerezo

Email yanyu ntigaragazwa ku rubuga. Amazina na Email ni ngombwa.