19°C , Partly sunny | Kigali-Rwanda
Gisagara VC igiye kongera guhura na REG VC yayitsinze mu irushanwa ribanziriza shampiyona yari yateguye

Volleyball: REG izahura na Gisagara ku mukino wa nyuma w’irushanwa ry’Intwari

Yanditswe na NKOMEJE

Ku ya 30-01-2018 saa 08:05:29

Ikipe ya REG VC na Gisagara VC ni zo zabonye itike yo kuzakina umukino wa nyuma w’irushanwa ry’Intwari muri Volleyball “Intwari Tournament 2018” mu kiciro cy’abagabo uzaba  ejo tariki 31 Mutarama 2018 saa moya (19h00).

Ayo makipe yombi yabigezeho nyuma yo kwitwara neza agasezerera ayo bari bahanganye mu mikino ya ½ yabaye ku cyumweru tariki 28 Mutarama 2018.

Gisagara VC igiye kongera guhura na REG VC yayitsinze mu irushanwa ribanziriza shampiyona yari yateguye

REG VC yari yazamutse iyoboye itsinda rya kabiri “B” nta mukino itsinzwe, yasezereye UTB VC yabaye iya kabiri mu itsinda rya mbere “A”, iyitsinze amaseti 3-2 (25-22,17-25,22-25,23-25 na 15-12) naho Gisagara VC yazamutse isezerera Kirehe VC ku  maseti 3-0 (25-16,25-19 n 25-17).

Ikipe ya REG VC na Gisagara VC bari mu itsinda rimwe “B” mu mukino w’amajonjora wabahuje REG VC yatsinze Gisagara VC amaseti 3-1.  Mu yindi aya makipe yakinnye muri iri tsinda, REG VC yatsinze APR VC amaseti 3-2, itsinda UNIK VC amaseti 3-0 naho Gisagara VC yatsinze UNIK VC amaseti 3-0 yongera gutsinda APR VC  amaseti 3-1.

REG VC yaherukaga kandi no gutsinda Gisagara VC ku mukino wa nyuma w’irushanwa ribanziriza shampiyona “Gisagara Pre-season Tournament 2018” amaseti 3-0, umukino wabaye tariki 21 Mutarama 2018,

Ku rundi ruhande, mu guhatanira umwanya wa 3, ikipe ya Kirehe VC izahura na UTB VC tariki 31 Mutarama 2018 kuri Sitade Amahoro i Remera (15h00).

Mu kiciro cy’abagore, irushanwa ry’Intwari ryitabiriwe n’amakipe 5,  ikipe ya RRA VC na APR VC ni zo zizahurira ku mukino wa nyuma saa kumi n’imwe (17h00) kuri Sitade Amahoro. Mu mikino y’amajonjora yabaye mu mpera z’icyumweru gishize yasize RRA VC ari iya mbere ikurikirwa na APR VC, Ruhango ku mwanya wa 3, KVC naho IPRC-Kigali VC iba iya 5. Mu mikino y’amajonjora, RRA VC yari yatsinze APR VC bigoranye ku maseti 3-2.

TANGA IGITEKEREZO

Leave a Reply

Be the First to Comment!

avatar