18°C , Mostly cloudy | Kigali-Rwanda
Umwaka w'imikino wa 2018-2019 uzatangira mu Gushyingo 2018

Volleyball: Ingengabihe y’umwaka iri hafi kumenyekana

Yanditswe na Nshim Janvier

Ku ya 12-10-2018 saa 14:41:32

Ishyirahamwe ry’Umukino wa Volleyball mu Rwanda (FRVB) riratangaza ko ingengabihe y’umwaka utaha w’imikino wa 2018-2019 izemezwa mu nama y’inama y’inteko rusange izahuza abanyamuryango bayo izaterana ku Cyumweru tariki 14 Ukwakira 2018.

Aganira n’Imvaho Nshya, Mfashimana Adalbert, umunyamabanga Mukuru wa FRVB yatangaje ko muri iyi nama y’inteko rusange hazemezwa gahunda y’uko amarushanwa bategura azagenda muri uyu mwaka w’imikino.

Agaragaza ko kuri gahunda y’agateganyo y’uyu mwaka w’imikino wa 2018-2019, shampiyona y’igihugu ya Volleyball yazatangira mu matariki 10-11 Ugushyingo 2018.

Avuga ko ntagihindutse iyi shampiyona izabanzirizwa n’irushanwa riyitegura “Pre-Season 2018-2019” izategurwa na Gisagara VC ikazaba  tariki 3-4 Ugushyingo 2018.

Yemeza ko mu mwaka utaha bateganya kongera amarushanwa ya Volleyball ikinirwa ku mucanga “Beach Volley Circuits” akaba yakinwa nka shampiyona.

Umwaka w’imikino wa 2018-2019 uzatangira mu Gushyingo 2018

Kuri gahunda bateguye irimo ko irushanwa  rya Beach Volleyball, rizatangira mu cyumweru cyo ku itariki 24-25 Ugushyingo na  23-24 Ukuboza 2018 risozwe tariki 19 Gashyantare 2019.

Irushanwa ry’intwari “Intwari Cup” bateganya ko rizaba tariki 25-27 Mutarama 2019. Iryo kwibuka Kayumba “Kayumba Memorial Tournament” rizabe tariki 9-10 Gashyantare 2019.

Bateganya kandi ko irushanwa rya “Playoffs” mu bagabo ryazatangira kuva tariki 2-3 Werurwe rikazasozwa tariki 27-28 Mata 2019. Naho mu bagore rikazatangira 9-10 Werurwe rigasozwa tariki 4-5 Gicurasi 2019.

Andi marushanwa ategurwa na FRVB arimo irihuza amakipe ane ya mbere muri shampiyona “Carre d’As” ryazaba tariki 11-12 Gicurasi 2019, iryo kwibuka “Genocide Memorial Tournament” rikazakinwa kuva tariki 7-9 Kamena 2019, iryo kwibuka Rutsindura “Rutsindura Memorial Tournement” rikazaba tariki 22-23 Kamena 2019.

Ikipe ya Gisagara VC mu bagabo  na RRA VC mu bagore ni zo kipe zitwaye neza mu mwaka w’imikino uheruka zikaba zizanahagararira u Rwanda mu mikino y’Afurika.

TANGA IGITEKEREZO

Leave a Reply

Your email address will not be published. Required fields are marked *