22°C , Partly cloudy | Kigali-Rwanda
Gisagara VC izashyikirizwa igikombe cya shampiyona ya 2018

Volleyball: Imikino  ya  “Carre d’AS 2018”  yimuwe  

Yanditswe na NKOMEJE GUILLAUME

Ku ya 12-07-2018 saa 06:36:42

Imikino y’irushanwa rihuza amakipe  ane ya mbere muri shampiyona ya Volleyball y’uyu mwaka wa 2018 “Carre d’AS 2018” yari iteganyijwe mu mpera z’iki cyumweru tariki 14-15 Nyakanga 2018 yimuriwe tariki 21-22 Nyakanga 2018.

Gisagara VC izashyikirizwa igikombe cya shampiyona ya 2018

Nk’uko bitangazwa n’ubuyobozi bw’ishyirahamwe ry’umukino wa Volleyball mu Rwanda “FRVB” izi mpinduka zatewe n’uko hari ibyo bakiri kuganiraho n’umuterankunga w’iri rushanwa ari we SORAS.

Muri uyu mwaka wa 2018 irushanwa rya Carre d’AS rizahuza amakipe 4 ya mbere mu kiciro cy’abagabo n’abagore  akaba azakina hagati yayo hanyuma amakipe 2 ya mbere azahure ku mukino wa nyuma.

Mu bagabo hari Gisagara VC, REG VC, UTB VC na APR VC naho mu bagore hari RRA VC, APR VC, KVC na Ruhango VC.

Iri rushanwa rya “Carre d’AS” ubusanzwe ni ryo risoza umwaka w’imikino muri Volleyball.  Ubwo hazaba hasozwa imikino y’iri rushanwa ni bwo hazatangwa ibihembo ku makipe yatwaye shampiyona y’uyu mwaka wa 2018 ari yo Gisagara VC  mu bagabo na RRA VC mu bagore.

Mu mwaka ushize wa 2017, Kirehe VC ni yo yegukanye igikombe cya Carre d’AS itsinze APR VC ku mukino wa nyuma amaseti 3-1 naho mu bagore, RRA VC yegukanye iki gikombe ku nshuro ya 5 yikurikiranye itsinze APR VC amaseti 3-2.

 

TANGA IGITEKEREZO

Leave a Reply

Be the First to Comment!

avatar