20°C , Mostly cloudy | Kigali-Rwanda
Murigande Jacques uzwi nka Might Popo

Uyu mwaka hazatoranywa abaziga umuziki 50

Yanditswe na NDAMYIROKOYE FRANÇOIS

Ku ya 11-01-2018 saa 09:48:06

Mu gihe hari hamenyerewe ko buri mwaka hatoranywa ababa bahize abandi 30 mu bijyanye n’umuziki akaba ari bo bajya kwiga mu ishuri ry’ubuhanzi ryahoze ku Nyundo rikaba  ryarimuriwe i Muhanga, Murigande Jacques uzwi nka Might Popo uyobora iri shuri yavuze ko uyu mwaka bazafata abanyeshuri 50.

Murigande Jacques uzwi nka Might Popo

Mu kiganiro yagiranye n’Imvaho Nshya  Murigande yavuze ko  impamvu umubare w’abanyeshuri uziyongera uyu mwaka ari  uko hazakirwa n’abaziga n’ibijyanye n’ibikenerwa mu  mitegurire y’ibitaramo birimo ibirebana n’amajwi.

Yagize ati Uyu mwaka tuzafata abanyeshuri 50 kuko hari abaziga ibijyanye n’amajwi n’ibindi.

Ejo hashize ni bwo igikorwa cyo gutoranya abafite impano y’ubuhanzi cy’uyu mwaka cyatangiriye mu karere ka Musanze kikaba kigomba kugera mu bice binyuranye by’igihugu kugira ngo hatagira ufite iyo mpano ucikanwa.

Kuba iryo shuri ryarimuriwe mu karere ka Muhanga, Might Popo yavuze  ko bizafasha abanyeshuri muri rusange ngo kuko aho bazajya bigira hagutse.

Iri shuri ryatangiye mu 2014 rimaze kwerekana ko ari ingirakamaro cyane kuko abaryigamo n’abaryizemo basigaye bagira uruhare rukomeye mu bitaramo bikomeye bisigaye bibera mu Rwanda.

TANGA IGITEKEREZO

Leave a Reply

Be the First to Comment!

avatar