Advertisement
 
 
 
 
 
 
 
 

Utuntu n’utundi

USA: Havumbuwe uburyo bwo kuvura igisebe ntihasigare inkovu   

  Yanditswe na IMVAHO NSHYA
 2 months ago

 
 

Abashakashatsi bo muri Kaminuza ya Pennsylvania muri Leta Zunze Ubumwe za Amerika bavumbuye uburyo bwo kuvura ibisebe, bigakira burundu hazaho urundi ruhu rumeze nk’urwa mbere aho gusigara inkovu nk’uko byari bisanzwe.

Ibi byashobokaga ku bikururanda nk’inzoka n’imiserebanya ariko ntibyemere ku binyamabere.

George Cotsarelis , umuyobozi w’ ishami ry’ibijyanye n’uruhu (dermatology) muri kaminuza ya Pennsylvania yavuze ko ubwo buryo bushya bwo kuvura ibisebe bushingiye ku ibanga ryo gukora ku buryo ubwoya bwo ku ruhu bwongera kumera.

Ati “Ibanga ni ukongera kumeza ubwoya bwo ku ruhu, hanyuma n’ibinure bikagenda bigaruka bigendeye kuri ubwo bwoya. Impamvu uruhu rw’inkovu rudasa n’uruhu rusanzwe ni uko rutagira uturemangingo tw’ibinure n’ubwoya.”

Ikinyamakuru Science Alert gitangaza ko mu kuvura hakoreshejwe ubwo buryo, igisebe kizajya kiremwamo uturemangingo twitwa adipocytes, kugira ngo nigikira uruhu ruzamere nk’uwa mbere yo gukomereka.

Aba bashakashatsi bavuga ko inkovu ziba zigizwe n’uturemangingo twa myofibroblasts ariko kuri ubu ngo hari uburyo bazajya baduhinduramo adipocytes; bityo ahari kuza inkovu hamere urundi ruhu rushya rumeze nk’uwa karemano.

Kuri ubu ubwo bushya bw’ubuvuzi bwamaze kugeragezwa ku mbeba n’impu zidateye ku bantu. Ariko aba abahanga bemeza ko mu minsi iri imbere buraba bwatangiye gukoreshwa mu mavuriro amwe n’amwe.

 

Comments

 
 
Uganda: Polisi yategetse abavandimwe kuguraana abagore
Uganda: Polisi yategetse abavandimwe kuguraana abagore

Abagabo babiri b’ahitwa i Butende-Bubanda mu karere ka Kamuli muri Uganda, bemeranyije guhinduranya abagore babo, kugira ngo bakemure amakimbirane bari bamaranye iminsi. Paul Kiirya, w’imyaka 55 (...)

Ubushakashatsi bwerekanye ko gusenga Kiyisilamu (gusari) bivura ububabare bw’umugongo
Ubushakashatsi bwerekanye ko gusenga Kiyisilamu (gusari) bivura ububabare bw’umugongo

Abayisilamu babarirwa muri miliyari 1.6 ku Isi, buri munsi basenga inshuro eshanu bapfukama bakubika umutwe berekeza i Maka nka kimwe mu bintu bitanu bategetswe gukora n’igitabo cyabo gitagatifu, (...)

Facebook yatangije uburyo bushya bwo kohereza amafaranga mu mahanga
Facebook yatangije uburyo bushya bwo kohereza amafaranga mu mahanga

Urubuga Nkoranyambaga rwa Facebook rwatangije uburyo bwo kohereza amafaranga mu mahanga hakoreshejwe ‘Messenger.” Ubwo bushya bwemerera umuntu koherereza amafaranga inshuti n’abavandimwe ziri mu (...)

Afurika y’Epfo: Pasiteri yategetse abakirisito kunywa uburozi (amafoto)
Afurika y’Epfo: Pasiteri yategetse abakirisito kunywa uburozi (amafoto)

Umupasiteri wo muri Afurika y’Epfo yategetse abakirisito kunywa uburozi bwica imbeba abizeza ko urabakiza indwara. Pasiteri Light Monyeki uyobore itorero rya Grace Living Hope Ministries (...)

Telefoni yagacishijeho, Nokia ‘Bagore Beza’, igiye kugaruka ku isoko
Telefoni yagacishijeho, Nokia ‘Bagore Beza’, igiye kugaruka ku isoko

Telefoni yatwaye imitima ya benshi mu myaka ya za 2000, Nokia 3310, yamenyekanye mu Rwanda nka Bagore Beza, igiye kugaruka ku isoko mu minsi ya vuba. Ikinyamakuru Venture Beat kivuga ko (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.