16°C , Partly cloudy | Kigali-Rwanda

Urban Boys iritegura kuzajya hirya no hino gushyigikira abahanzi

Yanditswe na NDAMYIROKOYE FRANÇOIS

Ku ya 30-08-2018 saa 08:09:23

Manzi James uzwi nka Humble G ubarizwa mu itsinda rya Urban Boys yatangarije Imvaho Nshya ko barimo kwitegura kuzajya hirya no hino mu gihugu mu rwego rwo gufasha abahanzi bataramenyekana bafite impano zidashidikanywaho.

Abahanzi babiri Nizzo na Humble G bagize itsinda rya Urban Boys

Icyo gikorwa Humble G yavuze ko bazakinyuza mu mushinga bafite bise “Youth Talent Connection”.

Avuga ko uyu mushinga uzafasha abahanzi kurushaho kwerekana impano aho bakomoka no kurushaho kwerekana ko bashoboye mu gihe usanga bamwe aho baba bakomoka impano zabo ziba zidahabwa agaciro.

Yagize ati Nkatwe abahanzi bakuru iyo tugiye ahantu tukerekana ko umuhanzi ashoboye bituma n’aho akomoka babona ko ashoboye koko mu gihe ashobora kuba ashoboye ariko aho akomoka batemera ubuhanzi bwe”.

Humble G yashimangiye ko ibi bizajya bifasha  abo bahanzi  mu kuba   bazajya bahabwa umwanya  wo kwerekana impano zabo aho batuye.

Mu gihugu hose yavuze ko bazajya mu bice 30 ngo kandi n’igikorwa kigiye gutangira vuba cyane.

Ku rundi ruhande Humble G yavuze ko iki gikorwa bazagihuza no kugenda bamurika indirimbo yabo hirya no hino ikomeje gukundwa yitwa “Nta kibazo” bakoranye na Bruce Melody ndetse na Riderman.

Inzu itunganya umuziki ya Urban Record batangije mu minsi yashize Humble G yavuze ko  ikomeje gukorana n’abahanzi batandukanye barimo African Boys yatsinze irushanwa bari bateguye.

Umuhanzi Humble G kandi yavuze ko bakomeje no gutegura Alubumu yabo izaba yitwa “Kigali Love” avuga ko  izaba igizwe n’indirimbo zitari munsi y’umunani.

 Arimo gutegura ubukwe

Humble G kandi ufite umukunzi witwa Amy Blauman bafitanye umwana umwe yavuze ko mu Gushyingo 2018 bazakora ubukwe.

Avuga ko imyiteguro y’ubukwe bwabo igeze kure ngo kandi ikomeje kugenda neza.

Yagize ati “Mu kwa 11 tuzakora ubukwe dukomeje kubyitegura”.

Itsinda rya Urban Boys rifite indirimbo zitandukanye zirimo  iyitwa “Mfumbata”, “Kigali love”, “Nta kibazo” n’izindi bakoze ubwo bari  bakiri kumwe na Safi waje gutangira urugendo rwa wenyine muri muzika.

Ubu Urban Boys igizwe na Humble G ndetse na Nizzo Kaboss ubusanzwe witwa Nshimiyimana Muhamed.

TANGA IGITEKEREZO

Leave a Reply

Your email address will not be published. Required fields are marked *