21°C , Partly cloudy | Kigali-Rwanda
Rafiki uzwi nk'umwami w'injyana ya Coga

Umwami wa Coga Style yasohoye amashusho ya ‘Bariho’

Yanditswe na Ndamyirokoye François

Ku ya 31-10-2018 saa 17:20:15

Mazimpaka Rafiki wamenyekanye nk’umwami w’injyana ya Coga Style yasohoye amashusho y’indirimbo ye yitwa “Bariho”.

Iyo ndirimbo iri mu njyana ibyinitse cyane amashusho yayo yakozwe n’umusore uzwi nka AB-Brown Godwin wagiye ukora amashusho y’indirimbo zitandukanye zirimo iza Mukadaff.

Umuhanzi Rafiki mu myaka ya 2007 yari akunzwe cyane mu njyana ya Coga Style ubwo yasohoraga indirimbo zitandukanye zirimo iyitwa “Tukabyine” yakoranye na Miss Jojo.

Izindi ndirimbo yakunzweho harimo iyitwa “Igitwenge”, “Gikomando” kandi afite n’izindi ndirimbo.

Ku rundi ruhande uyu muhanzi umuntu yavuga ko atagikunzwe cyane nka mbere bitewe ahanini n’abahanzi bashya bagiye baza nyuma ye bagakundwa.

Rafiki uzwi nk’umwami w’injyana ya Coga

TANGA IGITEKEREZO

Leave a Reply

Your email address will not be published. Required fields are marked *