22°C , Partly sunny | Kigali-Rwanda

Umunyarwanda yashyize hanze ‘album’ yakoranyeho n’umuntu wo muri Sony Music

Yanditswe na Gisubizo Gentil

Ku ya 10-10-2019 saa 09:18:36
Jumper Keellu yashyize hanze album ye yambere 'Meaningless' ikozwe mu njyana ya EDM

Umusore w’Umunyarwanda Jumper Keellu yashyize ahagaragara album ye yambere yise ‘Meaningless’ ikozwe mu muziki wa EDM (Electronic Dance Music), yumvikanamo umuhanzikazi Lachi ukorera muri imwe mu nzu zikomeye ku Isi mugutunganya umuziki ya Sony Music yo muri Amerika.

Jumper yatangiye gutunganya umuziki mu mwaka wa 2012, akora indirimbo zitandukanye zirimo Hip Hop, Afrobeat, R&B n’izindi aho yatangiye gukora asa n’uwishimisha gusa.

Mu mwaka wa 2014 yagannye zimwe mu nzu zari zigezweho mu Rwanda ngo arebe ko yazamura urwego rwe, bamutera utwatsi , aganira n’Imvaho Nshya Jumper yagize ati, “Muri 2014 nagiye muri Touch Record na Unlimited Record, banyamaganira kure kubera ko nakoraga umuziki uri ku rwego ruciriritse.

Nabaye nk’ubivuyemo gato njya mu kandi kazi gasanzwe kajyanye no gutunganya za mudasobwa, nyuma naje guhabwa igitekerezo na mukuru wanjye wari uvuye kwiga mu Bushinwa ansaba gusubira mu muziki nkajya nikorera injyana isa n’itamenyerewe hano mu Rwanda ya EDM.”

Iyi njyana EDM ikundwa cyane n’Abanyamerika n’Abanyaburayi, ngo yatangiye gutunganya ingoma zitarimo amajwi (beats), akajya azishyira ku rubuga rwa Youtube aho byaje no kumuhira zirakundwa zitangira kwifashishwa mu bihugu bitandukanye ku mugabane w’Amerika n’i Burayi.

Jumper yagize ati, “Beats zanjye nahisemo kujya nzishyira ku mbuga zitandukanye ngo ntangire kuzibyaza umusaruro.”

Uko zagiye zikundwa byaje kurangira akoze indirimbo zitandukanye, yifashishije abahanzi batandukanye aho amaze gushyira hanze indirimbo 10 zikubiye kuri album ye ya mbere yise ‘Meaningless’.

Ni album iriho indirimbo nka ‘What you like’ yafatanyijemo n’umuhanzikazi w’icyamamare muri Amerika, ukunzwe munjya ya EDM uzwi nka Lachi, ‘Never Mind’ yakoranye n’umurusiyakazi Natasha Shayenne ndetse na ‘Right Now’ yakoranye n’umunyarwanda Ngabo Ariel ndetse na ‘Rainbow’ yakoranye na Josy.

Jumper ufite inzozi zo ku kazagaragara mu maserukiramuco akomeye ku Isi, yo mu njyana ya EDM ndetse no gukomeza gukora cyane nka ba David Guetta, Marshmello, Allan Walker n’abandi bamenyerewe mu muziki wa EDM.

Umva indirimbo zose ziri kuri iyi album ya Jumper

Umwanditsi:

Gisubizo Gentil

One Comment on “Umunyarwanda yashyize hanze ‘album’ yakoranyeho n’umuntu wo muri Sony Music”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.