19°C , Partly sunny | Kigali-Rwanda

Umukecuru yagiye kuri banki imwe ikomeye kubitsa amafaranga ye. Ageze kuri reception ati ndashaka kubonana na manager…

Yanditswe na Imvaho Nshya

Ku ya 09-12-2019 saa 12:59:26

Umukecuru yagiye kuri banki imwe ikomeye kubitsa amafaranga ye. Ageze kuri reception ati ndashaka kubonana na manager, bati umushakira iki? Umukecuru ati ndashaka gufunguza konti. Bati konti ni twe tuyifungura ibyo twabigufasha, ati ndashaka kuyifungurira mu biro bya manager wa gakobwa we sinshaka wowe, umukobwa ati iyo serivisi itangirwa hano, mukecuru ati reka njye mu yindi banki ndumva utanyumva, reka izi miliyoni icumi nzijyane ahandi ndabona mwe mufite agasuzuguro kajejeta.

Umukobwa abonye ingano y’ayo mafaranga abona ari menshi, aramubwira ati ngaho ngwino nkujyane kwa manager. Baragenda bahageze manager ati bite mukecu? Mukecuru ati ni byiza ndashaka gufunguza konti. Manager abaza wa mukobwa ati kuki mwamuruhije mumuzana hano kuki mutayimufunguriye? Mukecuru ati nashakaga ko ari wowe uyimfungurira. Manager ati izi miliyoni icumi se ubwo ntibyagutwaye igihe kirekire ngo uzibone mukecu? Mukecuru ati nazibonye mu kanya nk’aho guhumbya rwose nta gihe kirekire. Manager ati hehe se? Mukecuru ati nabettinze (gushyiraho intego) n’umuntu ndazitsindira nawe ushaka twabettinga. Manager arumirwa ati ubwo mwabettinze mute se? Mukecuru ati nawe reka tubettinge, ejo saa yine ndakureba nkabona udusabo tw’intanga zawe tuzaba twabaye tureture cyane tugeza munsi y’amavi. Reka dupinge, ejo saa yine ningaruka tugasanga ari ko bimeze uzampa miliyoni icumi, nidusanga utwo dusabo tw’intanga zawe tumeze uko dusanzwe nanjye nzaguha izo miliyoni.

Manager yibaza ukuntu ibyo bintu bishoboka, aremera. Mukecuru arataha ariko manager asigara yicinya icyara avuga ati aya mafaranga nzayarya tu! Ariko buri kanya akajya yikorakora ngo yumve niba umutungo ngendanwa we utatangiye gukweduka, agasanga nta cyabaye. Nk’ejo haragera nka saa yine mukecuru aba arahageze, azana n’undi musore binjirana mu biro bya manager, mukecuru ati nizere ko nagutsinze! Manager ati reka reka rwose nagutsinze ibintu byanjye bimeze uko wabisize ejo. Mukecuru ati nabyemezwa n’iki se? Manager ati niba ushaka ngwino ukoreho wumve. Erega mukecuru araza amanuramo ukuboko atangira gukandakanda, wa musore wazanye na mukecuru abibonye atangira guhonda umutwe we ku rukuta, manager ati uriya musore se bite bye ko mbona umutwe aza kuwumena awuhonda kuri ruriya rukuta? Mukecuru ati uriya mwihorere nawe ubu ndamutsinze, manager ati umutsinze ute se kandi? Mukecuru ati ejo bundi twabettinze ko uyu munsi saa yine nza kuba mfashe mu ntoki zanjye udusabo tw’intanga za manager wa banki ikomeye muri iki gihugu, yashyizeho miliyoni 20 ubu ndazimuriye!!

Manager arumirwa, aba atsindiye za miliyoni 10 za wa mugore kuko udusabo tw’intanga ze ntacyo twabaye, wa mukecuru nawe yegukana za miliyoni 20 za wa musore wundi!!!

Umwanditsi:

Imvaho Nshya

5 Comments on “Umukecuru yagiye kuri banki imwe ikomeye kubitsa amafaranga ye. Ageze kuri reception ati ndashaka kubonana na manager…”

Tanga Igitekerezo

Email yanyu ntigaragazwa ku rubuga. Amazina na Email ni ngombwa.