19°C , Mostly cloudy | Kigali-Rwanda
Ingabire My Friend uririmba indirimbo zo kuramya Imana no kuyihimbaza (Foto Iyaremye Yves)

Umuhanzikazi Ingabire yasohoye indirimbo 2 zihimbaza Imana

Yanditswe na Iyaremye Yves

Ku ya 11-10-2018 saa 15:32:25

Ingabire My Friend ukoresha mu buhanzi izina rya My Friend wiyemeje gutanga ubutumwa abinyujije mu bihangano byo kuramya Imana no kuyihimbaza yasohoye indirimbo 2.

Indirimbo zombi yasohoye uyu muhanzikazi yazikoze mu buryo bw’amajwi ndetse n’amashusho. Amazina yazo imwe yitwa “Nitiye nguvu” yitwa “Machozi yangu”.

Avuga ko muri uyu mwaka wa 2018 ari bwo yatangiye kuririmba ngo ariko kuba umuhanzi ahanini yabihereye ku buzima yagiye anyuramo akiri muto ngo gusa no mu buhanzi bwe avuga ukuntu Imana yagiye imuba hafi.

Ubwo yari afite imyaka 8 avuga ko ari bwo yatangiye kwiyumvamo ko azavamo umuririmbyi icyo gihe ngo yaririmbaga muri korali.

Ati “Nkiri muto cyane ni bwo natangiye kujya mu makorali nkaririmbana n’abandi bana ariko numva nzakomeza kuririmba »

Ingabire My Friend uririmba indirimbo zo kuramya Imana no kuyihimbaza (Foto Iyaremye Yves)

Nubwo yabaye asohoye izo ndirimbo yavuze ko mu nzu itunganya umuziki akoreramo indirimbo ze bakomeje kumukorera izindi ndirimbo.

Ashimangira ko mu mpera z’uyu mwaka ari bwo azasohora izo ndirimbo zindi mu rwego rwo gukomeza gutanga ubutumwa bwiza.

Uretse kuba ari umuhanzi Ingabire ngo ni umucuruzikazi ngo kandi ni umuvugabutumwa.

Kuba atari yagera ku rwego rushimishije mu buhanzi avuga ko ikibazo ari icyo kubura ubushobozi buhagije.

Asaba abantu gukomeza kumushyigikira mu buhanzi bwe kandi akabizeza ko atazigera abatenguha azajya abagezaho ibihangano byiza.

TANGA IGITEKEREZO

Leave a Reply

Your email address will not be published. Required fields are marked *