22°C , Mostly cloudy | Kigali-Rwanda
Ringo ukomoka muri Afurika y'Epfo

Umuhanzi ukomeye Ringo azataramira i Kigali

Yanditswe na NDAMYIROKOYE FRANÇOIS

Ku ya 13-06-2018 saa 05:58:57

Ringo Madlingozi ukomoka muri Afurika y’Epfo wamenyekanye cyane  ku ndirimbo yitwa “Sondela” yakunzwe mu bihugu bitandukanye by’Afurika birimo n’u Rwanda azataramira i Kigali ku ya 29 Kamena 2018.

Ringo ukomoka muri Afurika y’Epfo

Ku kirango k’igitaramo azakora hariho ko azaba ari no mu rwego rwo kwizihiza imyaka 3 ibitaramo bya Kigali Jazz Junction ishize biba.

Remmigious Lubega utegura ibi bitaramo yatangarije Imvaho Nshya ko impamvu biyemeje kuzana uwo muhanzi ari uko abantu batandukanye bakuze bumva indirimbo ye “Sondela” amaradiyo menshi ayicuranga.

Ashimangira ko ubuhanga bwe mu muziki n’ubunararibonye afite mu buhanzi akwiye kuza kubisangiza abatuye mu Rwanda. Avuga ko kandi ubuhanga bwe mu buhanzi kimwe n’abandi bafite ubwo buhanga n’ubunararibonye kuza gutaramira mu Rwanda hari icyo bifasha abahanzi nyarwanda.

Ati Ni umwe mu bahanzi twese twakuze twumva indirimbo ye yitwa Sondela kandi nazaza azasangiza byinshi abantu bijyanye n’amateka mu buhanzi”.

Yemeza kandi ko icyo gitaramo kizaba ari kiza ngo kandi yizeye abantu bazakishimira. Umuhanzi Ringo afite imyaka 54 y’amavuko yavukiye mu mujyi wa Cape Town muri Afurika y’Epfo akaba aririmba mu njyana ya Pop. Afite Alubumu zitandukanye zirimo iyitwa “Vulani”, “Ndim lo”, “Sondelani”, “Mamelani” n’izindi. Uyu muhanzi kandi  afite izindi ndirimbo zirimo iyitwa “Kum  na kum”, “Poyiyane”, “Nkqo nkqo” n’izindi.

 

TANGA IGITEKEREZO

Leave a Reply

Be the First to Comment!

avatar