18°C , Showers | Kigali-Rwanda
Aha Adele yari kumwe n'umugabo we bakiri mu rukundo

Umuhanzi Adele yatandukanye n’umugabo we

Yanditswe na Ndamyirokoye François

Ku ya 22-04-2019 saa 07:39:36

Umuhanzi w’Umwongerezakazi Adele Laurie Adkins yatandukanye n’umugabo we Simon Konecki bari bafitanye umwana umwe.

Abajyanama b’uyu muhanzikazi w’icyamamare mu njyana ya Pop, Benny Tarantini na Carl Fysh bemeje aya makuru mu itangazo bahaye ibiro ntaramakuru by’Amerika, Associated Press.

Iri tangazo nta byinshi ryasobanuye ku cyaba cyatumye aba bombi batandukana, uretse kuvuga ko bazakomeza gufatanya kurera umwana bafitanye.

Rigira riti “Adele n’umugabo we batandukanye. Biyemeje kurera umwana wabo w’umuhungu mu rukundo.”

Adele na Simon Konecki babyaranye umwana umwe mu 2012, bamwita Angelo.

Adele ntiyakunze gutangaza uko ahagaze mu rukundo. Mu 2017 ubwo yahabwaga igihembo cya Grammy Awards yemeje ko ari umugore wa Konecki.

Yagize ati “Nishimiye igihembo cya Grammy. Ndagukunda mujyanama wange, umugabo wange n’umwana wange. Ni mwe mutumye mbikora.”

Umugabo wa Adele ni umwe mu batangije ikigo cyitwa Life Water gitunganya amazi mu Bwongereza.

Adele Laurie Adkins w’imyaka 30 yamenyekanye cyane mu ndirimbo nyinshi zirimo “Hello”, “Some One Like You”, “Set fire to the Rain” n’izindi nyinshi kandi ni umugore ufite ijwi ritangaje rikundwa na benshi.

Aha Adele yari kumwe n’umugabo we bakiri mu rukundo

 

TANGA IGITEKEREZO

Leave a Reply

Your email address will not be published. Required fields are marked *