17°C , Partly sunny | Kigali-Rwanda
Umubano hagati y'Afurika n'u Bushinwa, wita ku nyungu z'impande zombi, ukaba ahanini ushingiye ku bucuruzi n'ishoramari buri ruhande rubonamo inyungu

Umubano w’u Bushinwa n’Afurika nta sano ufitanye n’ubukoloni bushya

Yanditswe na MUTUNGIREHE SAMUEL

Ku ya 12-07-2018 saa 06:07:57

Hari igihe umuntu wo mu bihugu by’Uburengerazuba bw’Isi ajya ashinja u Bushinwa kwivanga mu cyo Isi ikunze kwita ubukolini bushya “Neo-Colonialism” cyangwa gusahura umutungo kamere w’Afurika bitewe ahanini n’umuvuduko umubano Afurika ifitanye n’u Bushinwa mu bya  politiki n’ubukungu, ni ikintu gikwiye gusobanuka ku bucuti n’ubutwererane impande zombi zifitanye kuva kera.

Umubano hagati y’Afurika n’u Bushinwa, wita ku nyungu z’impande zombi, ukaba ahanini ushingiye ku bucuruzi n’ishoramari buri ruhande rubonamo inyungu

Imvugo ubukoloni bushya ni iturufu yaturutse mu mitekerereze y’intambara y’ubutita y’ibihugu by’uburengerazuba bw’Isi. Kuva mu 2000 hashingwa urubuga u Bushinwa n’Afurika bihuriramo, ingendo z’urujya n’uruza zo ku rwego rwo hejuru hagati y’impande zombi zagejeje umubano mu by’ubukungu n’ubucuruzi ku ntera nshya. Kuva ubwo u Bushinwa bwabaye umufatanyabikorwa mugari mu myaka ikenda muri ubwo buhahirane ku mpande zombi. Muri icyo gihe kandi, Afurika nayo yabaye isoko rigari rya gatatu mu ishoramari ry’u Bushinwa n’isoko rigari rya kabiri ku mirimo y’ubwubatsi.

Kuri ubu, ishoramari ry’u Bushinwa muri Afurika rirengeje miliyari 100 z’Amadolari y’Amerika mu bigo birenga 3 100 biri muri Afurika. Ibi bituma bimwe mu bihugu by’uburengerazuba bw’Isi bisanzwe bireba Afurika nk’ahantu mu gikari hatari heza cyane cyane nk’ibitangazamakuru n’abanyapolitiki bafite imyumvire ko ntacyo hamaze n’imyumvire ishotora ihora mu ntambara z’ubutita; kuri bo bimeze nk’aho u Bushinwa bubangamiye inyungu z’ibihugu by’uburengerazuba bw’Isi.

Bahora barebera u Bushinwa mu ndorerwamo yo guca intege no gusiga icyasha ikigo cyose n’abaturage baho bari muri Afurika. Ibintu bimwe na bimwe byagiye biboneka bitagenze neza, byagiye bisigwa indi sura kugeza ku rwego Isi yumvamo ukundi ibintu.

Kuri bo umubano usanzwe mu by’iterambere ry’umutungo kamere wagiye ufatwa nk’aho bigamije kuwiba, amasoko yizwe mu buryo bwiza no kuba ari ku giciro gito byagiye gifatwa nk’ibikorwa bigamije izindi nyungu zihishe inyuma.

Bitari ibyo gusa, ibirego byabo bidafite ishingiro no guharabikana bigera ko no ku ihame Afurika n’u Bushinwa bifitanye ryo kutivanga mu bubanyi n’amahanga Guverinoma y’u Bushinwa yirinda kujyamo. Akenshi bafata ibi nk’uburyo bubi bwo kugeza Leta z’Afurika ku gutsindwa bakiyumvisha ko ntaho byageza ihame rya demokarasi no guteza imbere uburenganzira bwa muntu byazanywe n’ibihugu byo mu burengerazuba bw’Isi muri Afurika.

Umubano w’Afurika n’u Bushinwa ushingiye ku nyungu hagati y’impande zombi

Amateka agaragaza ko ba gashakabuhake bahinduye Afurika nk’ikigega cyabo bakuramo umutungo kamere ariko kandi nk’ikimpoteri bajugunyamo imyanda, ibyo byatumye imiterere y’ubukungu bw’Afurika bugomba guhora bucungira kuri Leta z’ibihugu by’uburengerazuba bw’Isi.

Muri rusange, iyo ibyo gihugu byo mu burengerazuba bw’Isi bishinjije u Bushinwa kwiba ingufu z’Afurika ibigo byabo by’amavuta ya petelori biba byongera ishoramari ryabyo muri Afurika mu nzego z’Afurika z’ingufu kugira ngo bikomeze kwivomera amavuta. Birigaragaza kuko kugeza ubu ni ibihugu nk’Amerika n’ibihugu byo ku mugabane w’u Burayi bikiri imbere ku Isi mu ishoramari ry’amavuta y’Afurika na gaze yo mu nganda.

Ishoramari ry’u Bushinwa muri Afurika rireba cyane mu nzego z’ibikorwa remezo, inganda na serivisi. Ugereranyije n’ibihugu byo mu burengerazuba bw’Isi, ishoramari ry’u Bushinwa ryarakererewe muri Afurika. Byongeye, ishoramari ryihuse ry’ibigo by’u Bushinwa riri cyane mu rwego rwa serivisi. Ik’ibanze ariko, ni uko hari itandukaniro mu mikorere mu by’ingufu hagati y’Afurika n’u Bushinwa no mu buhahirane mu by’umutungo kamere no mu byo gusahura imitungo bikorwa n’ibigo by’amavuta byo mu burengerazuba bw’Isi.

Ibi kandi biri mu ngamba z’Afurika n’u Bushinwa bihuriyeho zo mu 2015 ko ubuhahirane hagati y’Afurika n’u Bushinwa mu by’umutungo kamere ugamije gufasha ibihugu by’Afurika kongera ingufu no kuziteza imbere n’ubushobozi bwo kubyaza inyungu umutungo kamere mu by’ingufu, kongera mu bwinshi bw’ibicuruzwa byongerewe agaciro, gutanga akazi ku benegihugu no gucuruzanya hagamijwe inyungu ku mpande zombi  n’ubuhahirane bugamije kungurana, gukoresha ingufu zitangiza ikirere, kugabanya ibicanwa bihumanya ikirere n’iterambere rirambye, mu buryo bwo guhindura ingufu kamere mu iterambere rirambye n’inyungu ku mibereho y’abaturage.

Ubutwererane hagati y’Afurika n’u Bushinwa buzana inyungu zifatika ku baturage b’Afurika

Ubucuruzi hagati y’Afurika n’u Bushinwa, cyane cyane ubushingiye ku bicuruzwa byo mu nganda bihendutse kandi byorohera buri wese gukoresha mu buzima bwa buri munsi, bituma abatuye Afurika boroherwa mu byifashishwa mu buzima, bikazamura urwego rw’imibereho myiza ku baturage mu gihugu.

Dufatiye nko ku izamuka ry’ubucuruzi u Bushinwa bugirana n’Afurika, ibihugu byo munsi y’Ubutayu bwa Sahara byazamuye impuzandengo y’ikigero cy’ubukungu ku mwaka hafi 6% mu myaka 10 ishize bihinduka kamwe mu turere twihuta mu bukungu bw’Isi.

Inkunga z’u Bushinwa, ishoramari, ubukungu n’ibikorwa muri Afurika ntibyafashije gusa ibihugu kwigobotora inkunga z’amahanga n’ishoramari rituruka hanze no gufasha ubushobozi bw’Afurika kwiha amahitamo no kugena inzira yabyo y’iterambere, ahubwo byongereye imirimo mu bihugu n’imisoro, byatumye hatozwa umubare munini w’abafite impano bizana n’umubare munini w’uburyo bw’ikoranabuhanga ryifashishwa.

Impuguke yo muri Afurika y’Epfo, Martin Davies, wiga iby’umubano w’Afurika n’u Bushinwa, yagaragaje iterambere ry’Afurika n’ubushake mu ishoramari ry’u Bushinwa n’ibikorwa by’ubucuruzi, uko bigaragaza isano ya bugufi no kubana bitarimo uburyarya n’iterambere rya rusange.

Imvugo y’uko u Bushinwa bubangamira Demokarasi muri Afurika ni ikinyoma cyambaye ubusa; demokarasi, uburenganzira bwa muntu n’imiyoborere myiza ni ntavogerwa. Ntibyakoroha kubigeraho mu gihe gito wishingikirije ku mvugo zisize umunyu n’ubuvugizi budasobanutse. Bigomba kuba bishingiye ku bishingiye ku mpinduka z’iterambere mu bukungu, ikigero cy’amashuri ku baturage no gusobanukirwa amategeko.

U Bushinwa bwatangije umubano mu by’ubukungu n’ubucuruzi muri Afurika bugamije gufasha ibihugu byaho kongera imirimo yo kubaka ibikorwa remezo no kuzamura urwego rw’imibereho y’abaturage, bigamije kubaka ishingiro ry’ubukungu n’ishingiro rya muntu mu kumva demokarasi n’imiyoborere myiza muri Afurika. Amahitamo y’inzira y’iterambere ry’Afurika ari mu biganza by’Abanyafurika. Kuvuga ngo u Bushinwa bwishoye mu bukoloni bushya cyangwa kutabivuga, ibihugu by’Afurika ubwabyo n’abaturage ni bo bafite ijambo rya nyuma.

 

 

TANGA IGITEKEREZO

Leave a Reply

Your email address will not be published. Required fields are marked *