Advertisement
 
 
 
 
 
 
 
 

Uko Mbibona

MINEDUC iratangaza amanota ariko hari aho yica itegeko   

  Yanditswe na NDAMAGE FRANK
 3 months ago

 
 

Uyu munsi ni bwo Minisiteri y’Uburezi itangaza amanota y’abanyeshuri bakoze ibizami bisoza amashuri abanza n’icyiciro rusange 2016. Mu itangazo yashyize ahagaragara Minisiteri y’uburezi yavuze ko iki gikorwa kibera mu cyumba cy’inama cy’iyo Minisiteri saa yine.

Abanyeshuri bakoze ibizami bisoza amashuri abanza muri 2016 bagera ku 194,679 naho abakoze iby’icyiciro rusange bakagera kuri 91,492 bigaragara ko biyongereye ugereranyije n’abari barakoze ibizamini 2015. Itangazwa ry’amanota mu Rwanda rinyuranye n’uko mu bihugu duturanye bikorwa.

Itegeko ryicwa rite, mu Rwanda ntibashobora gutanga amakuru y’uko amashuri yakurikiranye mu gukora neza cyangwa aho abana babaye aba mbere bigaga, nyamara ni kimwe mu byo igihugu cyose kiba gikeneye.

Ntibyumvikana uko umubyeyi yafasha umwana we gutoranya ishuri mu gihe atazi n’uko amashuri arushanwa mu gukora neza. Ibi kandi Minisiteri ibikora itazi ko yica Itegeko Nshinga. Reka turebe uko itegeko rivuga.

Umutwe w’Abadepite, mu nama yawo yo ku wa 19 Ugushyingo 2012; Umutwe wa Sena, mu nama yawo yo ku wa 15 Ugushyingo 2012; Ishingiye ku Itegeko Nshinga rya Repubulika y’u Rwanda ryo ku wa 04 Kamena 2003 nk’uko ryavuguruwe kugeza ubu, cyane cyane mu ngingo zaryo, iya 33 , iya 34, iya 62, iya 66, iya 67, iya 88, iya 89, iya 90, iya 92, iya 93 ,iya 94, iya 95, iya 108, iya 182 n’iya 201. Turavuga gusa ku ngingo zirebana nibyo tuvuga.

JPEG - 52.4 kb
Ubwo MINEDUC yatangazaga amanota y’ibizamini bya Leta muri 2015

ITEGEKO N° 04/2013 RYO KUWA 08/02/2013 RYEREKEYE KUBONA AMAKURU

UMUTWE WA MBERE: INGINGO RUSANGE; Ingingo ya mbere: Icyo iri tegeko rigamije, Iri tegeko rigamije gutuma abaturage n’abanyamakuru babona amakuru yo mu nzego za Leta no mu nzego zimwe z’abikorera. Iri tegeko rishyiraho kandi inzira n’uburyo biteza imbere itangazwa n’ikwirakwizwa ry’amakuru.

UMUTWE WA II: UBURENGANZIRA KU MAKURU Ingingo ya 3:
Ukubona amakuru. Buri muntu afite uburenganzira bwo kubona amakuru afitwe n’urwego rwa Leta na zimwe mu nzego z’abikorera. Uburenganzira bwo kubona amakuru harimo ibi bikurikira:

Gusuzuma ibikorwa, inyandiko cyangwa amakuru abitse; kwandika, gufata inyandiko zuzuye, ibice byazo cyangwa kopi zemewe n’ubuyobozi bw’urwo rwego cyangwa amakuru abitse; gufata inyandiko zuzuye cyangwa ibice byazo ziriho umukono wa noteri; kubona amakuru abitswe mu buryo ubwo ari bwo bwose bw’ikoranabuhanga cyangwa mu nyandiko zicapwe zivanywe muri mudasobwa cyangwa mu kindi kintu icyo ari cyo cyose.

Ingingo 6: Inyungu z’abaturage mu itangazwa ry’amakuru, Urwego rwa Leta cyangwa urwego rw’abikorera rurebwa n’iri tegeko rugomba kumenyekanisha amakuru mu gihe inyungu z’abaturage mu itangazwa ryayo zisumbya uburemere inyungu zo kutayatangaza.

Ibi bikozwe byafasha cyane abaturage kuko n’ababyeyi ubwabo bahamagaza umuyobozi w’ishuri bakamubaza impamvu ishuri ryabo rikora nabi cyangwa bagatanga agahimbazamusyi ku barimu basanze rikora neza.
Ingingo ya 7: Itangaza ry’amakuru ya ngombwa akenewe na rubanda Buri rwego rwa Leta n’urw’abikorera rurebwa n’iri tegeko rutangaza amakuru ya ngombwa akenewe na rubanda rutagombye kuyasabwa.

Aha rero niho hari ikibazo kigomba gukemurwa ku buryo bwihuse, ni uburenganzira bw’umubyeyi cyangwa umunyeshuri ndetse n’undi uwo ariwe wese kumenya uko amashuri arushanwa gukora neza.

Abana bava mu bindi bihugu bashaka kuza kwiga mu Rwanda babaza nde ishuri ryiza ese we azaribwirwa n’iki? Minisiteri yitwaza ko ngo bavuze amashuri akora neza kurusha ayandi byatuma abarimu bazajya bakopeza abanyeshuri, si byo na gato.

Minisiteri ifite inshingano zo gushyiraho uburyo abanyeshuri bakora ibizami badakopeye. Ni cyo gituma banyuranya abarimu bakajya gukoresha ibizami aho batigisha. Mu karere dutuyemo (EAC) usanga ho bashyize urutonde rw’amashuri magana uko yakurikiranye.

Uwakora ubushakashatsi neza yasanga kutagaragaza ibigo uko bikurikirana mu mitsindishirize ari nabyo bisubiza hasi ireme ry’uburezi rihora rivugwa, kuko nta guhiga utazi n’ubundi uko wakoze. Abarezi nabo bigisha uko bashaka kuko ababyeyi ntibazigera bamenya ko ishuri ryabo riza mu ya nyuma.

 

Comments

 
 
Icyo u Burundi bukurikiranye muri SADC gishobora kutazaboneka
Icyo u Burundi bukurikiranye muri SADC gishobora kutazaboneka

Mu muryango w’ubukungu w’ibihugu byo mu majyepfo ya Afurika (SADC) hamaze igihe hari ubusabe bw’ibihugu bibiri byifuza kuba abanyamuryango bashya ariko ubwo busabe ntibwangwe cyangwa ngo bwemerwe. (...)

Tanzania: Kwirukana bamwe mu ishyaka rya CCM bishobora kuzarisigamo imvune
Tanzania: Kwirukana bamwe mu ishyaka rya CCM bishobora kuzarisigamo imvune

Ishyaka riri ku butegetsi muri Tanzania, Chama Cha Mapinduzi(CCM), riherutse gufata ibyemezo bishobora kuzayisigamo imvune ariko nta kundi byagenda kuko aribyo bigomba kurifasha ngo rigumane (...)

FERWAFA ikwiye gusohoza ibyo yemereye Abanyarwanda
FERWAFA ikwiye gusohoza ibyo yemereye Abanyarwanda

Ishyirahamwe ry’umupira w’amaguru mu Rwanda “FERWAFA” riyobowe na Nzamwita Vincent De Gaule rikwiye gusohoza ibyo ryemereye abanyarwanda byo gutangiza shampiyona y’amakipe y’ingimbi (Junior) nk’uko (...)

Igihugu gishakishe  impamvu nyazo zituma abantu bishora mu busambanyi
Igihugu gishakishe impamvu nyazo zituma abantu bishora mu busambanyi

Umuryango w’abanyamakuru biyemeje kurwanya SIDA no guharanira ubuzima buzira umuze (ABASIRWA), umaze iminsi wohereza abanyamakuru hirya no hino mu gihugu kureba uko icyorezo cya SIDA gihagaze (...)

Uburozi si ikibazo ariko Rayon Sports yabyitwayemo nabi
Uburozi si ikibazo ariko Rayon Sports yabyitwayemo nabi

U Rwanda rumaze amezi abiri rwarahagurukiye ikibazo cy’uburozi buvugwa mu mupira w’u Rwanda ndetse runafata ibihano bikarishye byo kubuca burundu. Gusa kugeza n’uyu munsi biracyavugwa mu makipe (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.