Advertisement
 
 
 
 
 
 
 
 

Ubuzima

Umuturage w’i Rubavu yahaye ibitaro bya Gisenyi inkunga y’agaciro ka miliyoni 24   

  Yanditswe na MAGARAMBE THEODORE
 September 2016

 
 

Pasiteri Rwaramba Simon Pierre, umuturage wo mu murenge wa Gisenyi mu karere ka Rubavu, yateye inkunga ibitaro bya Gisenyi, mu rwego rwo kubyunganira mu kwakira neza abarwayi.

Inkunga uyu muturage yatanze igizwe n’ibitanda by’abarwayi, imifariso, n’amagare yifashishwa n’abafite ubumuga, ndetse n’ibindi bikoresho byose hamwe bifite agaciro k’amafaranga y’u Rwanda miliyoni 24.

Uyu muturage avuga ko yatanze iyi nkunga nk’uburyo bwo gushimira akazi gakomeye ibi bitaro bikora mu kurokora amagara y’abantu.

JPEG - 272.5 kb
Ibitaro bya Gisenyi byahawe bimwe mu bikoresho byari bikeneye (Foto archive)

Yavuze ko hari abantu usanga bijujutira imitangire ya serivisi mu mavuriro atandukanye, nyamara ugasanga batagira umutima wo kwitanga ngo nibura ibyangomba by’ibanze bikenewe ngo bahabwe serivise nziza biboneke.

Yagize ati “Ntibyumvikana impamvu tutariyumvisha ko ibitaro n’ibigo nderabuzima ari ibyacu nk’abaturage, serivisi mbi duhabwa akenshi ziterwa n’ubushobozi buke aya mavuriro aba afite.

Kuki tutagira umutima wo kwishakira ibidufitiye akamaro tugahora tuvuga ko ari ibya Leta nkaho ibya Leta atari iby’abaturage.”

Yaboneyeho umwanya wo guhamagarira ababishoboye bose gushyiraho akabo kugira ngo abakozi b’ibitaro barusheho kubona ibikoresho bibafasha kunoza serivise baha abarwayi.

Yagize ati “Abaturage twasanze muri ibi bitaro baryamye ku bitanda n’imifariso bishaje nabo bavuga ko bari babangamiwe no kuryama kuri ibyo bitanda, ariko nabo banibaza uruhare rwabo mu gutuma bahabwa serivisi nziza.”

Rugwabiza Innocent, undi muturage wo muri uyu murenge wa Gisenyi yagize ati “Ko dutanga uduhimbazamusyi tw’abarimu batwigishiriza abana, ko dutanga imisanzu yo kwiyubakira utugari, imidugudu, n’amakoperative, kuki tutatanga umusanzu wo gutuma amavuriro yacu amera neza? tugomba kwigira kuri uyu mugabo”

Amavuriro yo muri aka karere yakunze kuvugwamo ikibazo cy’ibitanda bishaje ndetse bidahagije hamwe na hamwe, by’umwihariko muri ibi bitaro bya Gisenyi n’ikigo nderabuzima cya Bugeshi.

Ubwo yakiraga iyi nkunga, umuyobozi w’ibitaro bya Gisenyi, Maj. Dr Kanyankore William, yavuze ko bije ari igisubizo, avuga ko bimwe bazabisaranganya n’ibigo nderabuzima bifite ikibazo cy’ibikoresho.

Yagize ati “Tuzabiha ibigo nderabuzima bibabaye kurusha ibindi, kandi byinshi mu byo dufite ni ibyatangiranye n’ibitaro bya Gisenyi.”

Iyi nkunga Rwaramba yateye ibitaro bya Gisenyi avuga ko nawe ayikesha abafatanyabikorwa be b’abanyamerika mu mushinga ahagarariye.

 

Comments

 
 
Rubavu:Isuku y’amaresitora n’utubari iracyari hasi
Rubavu:Isuku y’amaresitora n’utubari iracyari hasi

Amwe mu maresitora ndetse n’utubari byo mu karere ka Rubavu biranengwa kugira isuku nke muri serivisi zihatangirwa. Ubushakashatsi bwakozwe n’ikigo cy’Igihugu cy’imiyoborere (RGB) mu mwaka wa (...)

Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.