2017-05-29 16:23:30 clouds 27o High | Kigali Rwanda

Dukurikire:
 
 

Nyuma y’u Rwanda, Tanzaniya nayo yatangiye gukoresha Drones zitanga amaraso

Yanditswe na IMVAHO NSHYA

Kuya 2016-12-30 07:12:24

 
Share on:
 
Yasuwe:21
 
Yavuzweho:200
 
10
 
10

Leta ya Tanzania yatangiye kugerageza ikoreshwa rya drones za Zipline mu gutanga amaraso ku bitaro n’ibigonderabuzima biri mu cyaro, nyuma y’uko u Rwanda rutangiye kuzikoresha mu Kwakira 2016.

Ni igeragezwa ryatangijwe muri Tanzania ku nkunga y’Umuryango w’Iterambere Mpuzamahanga w’u Bwongereza, DFID, muri icyo gihuguu amaraso azajya ashyikirizwa ababyeyi bari ku iseta n’impinja.

Umunyamabanga wa DFID Priti Patel, yavuze ko gutera inkunga ikoreshwa rya drones mu kubungabunga ubuzima bw’ababyeyi n’abana ari uguha agaciro imisoro y’Abongereza.

Yagize ati “ U Bwongereza bushyize imbere gushora imari mu ikoranabuhanga rifasha kubungabunga ubuzima bw’abatishoboye.”

JPEG - 44.5 kb
Akadege ka Zipline

Drones za ‘Zips’ zikorwa n’uruganda Zipline rwo muri Leta ya California ho muri Leta Zunze ubumwe za Amerika, zatangiye gukoreshwa mu Rwanda ku bufatanye n’ikigo UPS, Gavi ndetse n’Ihuriro ry’Inkingo ku Isi (Vaccine Alliance).

Izo ndege zifite uburyo bwo kurekura umuzigo ziri mu kirere ukamanuka utwawe mu mutaka, zishobora gukora urugendo ruri hagati y’iminota 15 na 30 kuri kilometero 60 ku isaha.

Umuyobozi wa Zipline, Keller Rinaudo, avuga ko igiciro cy’urugendo rw’izo drones kingana n’icyo kuri moto, ariko ko utwo tudege twizewe cyane kurushaho kuko tugenda mu gihe gito, bityo imiti ikaba itazakenera gutwarwa mu bukonje cyangwa ngo yangizwe n’imihanda mibi.

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE