Advertisement
 
 
 
 
 
 
 
 

Ubuzima

Ntimukabyare umwana mutabanje kubipanga neza - Minisitiri Nyirasafari   

  Yanditswe na HAKIZIMANA YUSSUF
 3 months ago

 
 

Minisiteri y’uburinganire n’iterambere ry’umuryango irasaba Abanyarwanda kudakomeza kugendera ku muco wo kuvuga ko bakwiye kubyara bakuzuza isi, ahubwo bagaharanira kubyara abo bashoboye kurera.

Minisitiri w’uburinganire n’iterambere ry’umuryango Nyirasafari Esperance, yibukije Abanyarwanda gutekereza ku bushobozi bafite mbere yo kubyara abana.

Yagize ati “Hari ababyeyi babyara abana benshi ntibabashe kubabonera ibibatunga bihagije kubera ko babyaye benshi ubushobozi bukabura, ubu turasaba Abanyarwanda cyane cyane urubyiruko ni mwe mukiri bato mutarashaka, umunsi mwashatse muzabizirikane mubyare abo mwateganyirije kandi bake.

JPEG - 221.4 kb
Minisitiri w’Uburinganire n’Iterambere ry’Umuryango, Nyirasafari Esperance

Umenye ngo ugiye kubyara umwana wabipanze neza, umwe se uramushoboye uzamubonera ibyangombwa byose, waramuteganyije se? ureke kubyara wumva ko Leta izagufasha kuko Leta iza ku mwanya wa kabiri nyuma yawe wowe mubyeyi.

Ndasaba Abanyarwanda muri rusange kumva ko iki kibazo cyo kubyara abo dushoboye kurera bakwiye kukitaho, ntabwo tukiri muri ya si y’uko abana benshi ari amaboko.”

Bamwe mu babyeyi baganiriye n’Imvaho Nshya bemeza ko hari abagifite imyumvire yo kubyara abana benshi.

Kamanzi Angelique, atuye mu kagari ka Sibagire mu murenge wa Kigabiro, yagize ati “Iyi gahunda yo gukangurira Abanyarwanda kubyara abana bake ikwiye gukomeza kandi igashyirwamo imbaraga birenze uko bivugwa ubu ngubu, hari umubyeyi duturanye nta mugabo agira ariko afite abana 4 kandi ntararenza imyaka 25.

Iyo muganiriye wumva afite gahunda yo gukomeza kubyara, iyo bamubwiye kuboneza urubyaro avuga ko atahinyuza Imana ibyo yamuhaye.”

Yankurije Clarisse, umwe bagize ihuriro ry’abanyeshuri barokotse Jenoside yakorewe Abatutsi (AERG) bari mu mwiherero i Rwamagana, we yemeza ko bamaze gucengerwa n’inyigisho zibakangurira kuzabyara abo bashoboye kurera kandi batazaba umutwaro ku gihugu, ndetse akaba yemeza ko nk’abakobwa babishatse mu gihe kizaza ubwiyongere bw’abaturage butaba buri ku kigero gikabije nk’uko ubu bimeze.

 

Comments

 
 
Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.