Advertisement
 
 
 
 
 
 
 
 

Ubuzima

Miliyari 19 zateguriwe kugura inzitiramibu zo guha Abanyarwanda   

  Yanditswe na MUTUNGIREHE SAMUEL
 4 months ago

 
 

Minisiteri Ubuzima yatangaje ko hakurikijwe ingamba Leta ifite zo guhangana na malariya umwaka utaha wa 2017 hategnyjwe ko hazagurwa inzitiramibu 6 300 000 zizatwara miliyoni 24 z’amadolari ya Amerika (hafi miliyari 19 z’amafaranga y’u Rwanda) kugira ngo zibe zahaza Abanyarwanda bose mu gihugu.

Ibi byatangajwe n’Umuyobozi Mukuru wa’ishami rishinzwe Kurwanya Malariya mu Kigo cy’Igihugu cyita ku by’Ubuzima (RBC) Dr. Aimable Mbituyumuremyi ubwo Minisitiri w’Ubuzima Dr. Gasumba Diane n’abandi bayobozi bafite aho bahuriye no kurwanya malariya bagiranaga ikiganiro n’itangazamakuru kuri uyu wa Gatatu.

Dr. Mbituyumuremyi yavuze ko muri miliyoni zirenga esheshatu z’inzitiramibu zaguzwe zo guha abaturage muri aya mezi ahera uyu mwaka, hamaze gutangwa 1 200 000 mu turere twiganjemo malariya ari two Nyagatare, Gatsibo, Kirehe, Gicumbi, Nyaruguru na Rusizi.

Minisitiri Dr. Dianne Gashumba yongeyeho ko gahunda ya Minisiteri ihari ari uko uku kwezi kw’Ugushyingo 2016 inzitiramibu zose zizaba zamaze kugera ku baturage bo mu turere twatoranyijwe guzihabwa.

Kwiyongera kwa malariya ni kimwe mu byagarutsweho, nk’uko imibare y’abazize malariya yatanzwe n’Umunyamabanga wa Leta muri iyi Minisiteri Ushinzwe Ubuvuzi bw’ibanze Dr. Patrick Ndimubanzi, yo mu myaka itatu yabigaragaje.

Kuva muri Nzeri 2014 abantu 30 ni bo bishwe na malariya, Mu kwezi kwa Nzeri 2015 ihitana 27 naho muri Nzeri 2016 hagaragaye 22 byemejwe ko ari bo bahitanywe n’iyi ndwara.

JPEG - 323.2 kb
Inzitiramibu zitezweho gufasha Leta guhangana na mlaria yazamutse cyane guhera mu 2014

Imibare y’abanduye malariya kuva mu 2012 yagiye yiyongera bava ku barenga ibihumbi 800 bagera abagera kuri miliyoni 3 n’ibihumbi 900 barwaye hagati y’umwaka wa 2015 na 2016.

Gahunda ya Leta y’u Rwanda nii ukugabanya imfu za malariya byashoboka ntihagire umuturage uhitanwa nayo, igasigara ihanganye no kugabanya umubare w’abandura no gukwirakwira kwayo bigacika mu baturage.

Guverinoma y’u Rwanda iherutse kwemeza ko umuturage wese uri mu cyiciro cya 1 na 2 ugaragaweho malariya azajya ahabwa imiti yayo ku buntu kuva ku buvuzi butangwa n’umujyanama w’ubuzima mu mudugudu kugeza kuri kigo nderabuzima.

Minisitiri Dr. Dashumba yavuze ko n’uwo bigaragaye ko arwaye malariya isaba ko ajyanwa ku bitaro hazajya hakoreshwa ubwishingizi bwa mituweli nk’uko bisanzwe bikorwa. Ingamba nk’izo ziyongeraho n’ubukangurambaga bwo kwirinda malariya mu baturage, ngo zigamije kugungabunga ubuzima bw’Abanyarwanda birenze uko byajyaga bikorwa.

 

Comments

 
 
Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

U Rwanda rugeze kure ruha umugore uburenganzira kwihitiramo kuboneza urubyaro
U Rwanda rugeze kure ruha umugore uburenganzira kwihitiramo kuboneza urubyaro

Minisitiri w’Uburinganire n’Iterambere ry’Umuryango, Nyirasafari Esperance, avuga ko u Rwanda rugeze kure rushyira mu bikorwa amasezerano ya Maputo aha uburenganzira abagore n’abakobwa mu bijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.