2017-06-27 12:16:32 clouds 27o High | Kigali Rwanda

Dukurikire:
 
 

Bill Gates n’umufasha we bashimye u Rwanda rwagabanyije umubare w’abana bapfa bavuka

Yanditswe na IMVAHO NSHYA

Kuya 2017-02-16 08:49:28

 
Share on:
 
Yasuwe:854
 
Yavuzweho:200
 
10
 
10

Umuherwe wa mbere ku Isi n’umugore we Melinda bashimiye Leta y’u Rwanda yashoboye kugabanya umubare w’abana bapfa bavuka ku rugero rwo hejuru mu myaka icumi ishize.

Mu nyandiko ngarukamwaka yabo, bandikiye by’umwihariko umuherwe Warren Buffet, bagarutse ku buryo abana bakomeje kuvutswa ubuzima n’ubukene buri kumugabane wa Afurika. Bavuze ariko ko bashimishwa no kubona u Rwanda, kimwe mu bihugu bidakize, cyaranikiye ibindi mu gushakira umuti icyo kibazo.

Melinda yagize ati “ Biteye ubwuzu kubona kuva muri 2008 kugeza muri 2015, u Rwanda kimwe mu bihugu bikennye muri Afurika, rwaragabanyije umubare w’abana bapfa bavuka ku rugero rwa 30%, ubu bakaba bageze kuri 19/1000. Ugereranyije na Mali bihuje ingano y’ubukungu, usanga ho usanga bikubye kabiri kuko abana 38/1000 bapfa bavuka.”

JPEG - 67.1 kb
Bill Gates n’umufasha we Melinda

Yashimye gahunda za Leta y’u Rwanda zo gukangurira ababyeyi konsa, iminsi 1000 yo kwita ku buzima bw’umwana kuva nyina agisama kugera agejeje imyaka ibiri n’izindi.

Ati “Ese mu Rwanda ugirango babigezeho bate? Ni gahunda nke zihendutse buri gihugu gishobora gutera inkunga nko gukangurira ababyeyi guha umwana ibere ryonyine mu mezi atandatu ya mbere, kubyaza mu buryo busukuye…”

Bill Gates yunzemo ko Leta y’u Rwanda yanashyize ingufu mu kongera umubare w’ababyaza babyigiye n’ibikoresho byo mu bitaro, cyane cyane ku iseta bigezweho.

Melinda Gates yavuze ko u Rwanda rutagereranywa n’ibindi bihugu nka Malawi aho yageze agasanga umwana yabyariwe ku muhanda, bakamujyana ku bitaro yenda gushiramo umwuka.

Bill Gates niwe muherwe ukize cyane ku Isi. Umuryango afatanyije n’umugore we “Bill&Melinda Gates Foundation” ufasha u Rwanda muri gahunda z’imibereho myiza y’abaturage, ubinyujije ahanini kuri Minisiteri y’Ubuzima.

Gusoma ibaruwa y’Umuryango wa Gates ya 2017 KANDA HANO

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE