Advertisement
 
 
 
 
 
 
 
 

Ubuzima

Abakozi ba ADARWA bakomerekejwe n’imashini barataka akarengane   

  Yanditswe na GATETE JEAN BOSCO
 5 months ago

 
 

Abakozi bakorera abanyamuryango ba koperative ADARWA, ikorera mu gakiriro ka Gisozi, barasaba kurenganurwa nyuma yo gucibwa ibice by’umubiri n’imashini zikora ibikoresho byo mu mbaho ntibahabwe ubufasha mu kwivuza.

Umwe muri bo, Kubwimana Afazari, avuga ko imashini yamuciye intoki mu mwaka wa 2013 agahita yirukanwa atanavujwe.

Yagize ati “Natangiye akazi mu mwaka wa 2004, ndibwa n’imashini mu 2013, icyo gihe aho kugira ngo bamfashe batangiye kunyiyenzaho, kugeza banyirukanye mpita njya gushaka undi mukoresha, nta kintu nigeze mpabwa nyamara intoki zanjye zaracikiye mu kazi, nabuze uko ngera ku bamvugira nyamara nararenganye.”

JPEG - 65.2 kb
Intoki za Kubwimana Afazar zaciwe n’imashini bituma yirukanwa ikitaraganya

Uyu mubaji avuga ko ubuyobozi bwa koperative ADARWA ntacyo bwamufashije mu kwivuza, akivuriza kuri mituweli, ntanahabwe imperekeza cyangwa impozamarira.

Ati”Nk’ubu umusaruro natangaga siwo nkitanga kuko intoki zimwe zacitse birumvikana sinkikora nka mbere iyo nza kugira ubwishingizi hari icyo mba narahawe cyamfasha njye n’umuryango wanjye.”

Maniraguha Clement, nawe ukorera Koperative ADARWA, avuga ko iyo hari uhuye n’impanuka mu kazi ahita yirukanwa.

Ati “Hano mu gakinjiro iyo imashini ikuriye, ntibakwirukane uba ugira amahirwe, aha muri ADARWA nta burenganzira bw’umukozi buhaba rwose, nimudukorere ubuvugizi tubone ubwishingizi kimwe n’ubundi burenganzira umukozi yemererwa.”

Yunzemo ati “Twe turushwa agaciro n’abayede kuko abakora mu masosiyete akomeye baba bafite ubwishingizi naho twe muri ADARWA nta kigenda rwose”.

Ubwo Imvaho Nshya yageragezaga gushakisha kuri telefoni Perezida wa Koperative ADARWA Rudahunga Abdul, ntibyakunze kuko atigeze yitaba.

Umuyobozi Mukuru w’Ikigo cy’Igihugu gishinzwe guteza imbere amakoperative mu Rwanda, RCA, Munanura Apollo, yavuze ko nta koperative n’imwe yemerewe gukoresha abantu mu buryo butuma bakomereka.

Yagize ati “Twifuza ko amakoperative nk’ayo akomeye atanga akazi ku bantu benshi, imirimo ikaboneka ariko abakozi bakanakorera ahantu habaha umutekano, kuko bituma nabo bakora batanga umusaruro.”

Umuyobozi w’ishami ry’imigendekere myiza y’umurimo muri Minisiteri y’abakozi ba Leta n’umurimo, Twahirwa Alexandre, yavuze ko abakoresha bafite inshingano zo guteganyiriza abakozi kuko bibafasha mu gihe bahuye n’impanuka nk’izo.

Ati “Itegeko rivuga ko Abakoresha bafite inshingano zo guteganyiriza abakozi babo kuko iyo bahuye n’impanuka nk’izo ikigo cy’ubwiteganyirize bw’abakozi kirabafasha nk’abakozi baba barateganyirijwe.”

Anavuga ko hari n’ibihano biteganywa mu itegeko ku bakoresha badateganyiriza abakozi cyangwa babatererana mu bibazo nk’ibyo.

Ati”Abo bakozi bazazane ikibazo cyabo mu ishami ry’ubugenzuzi bw’umurimo dukurikirane ikibazo cyabo abakoresha icyo gihe itegeko rinabateganyiriza ibihano muri urwo rwego.”

 

Comments

 
 
Guverineri Munyantwari yashimiye akagari kesheje umuhigo wa mituweli 100%
Guverineri Munyantwari yashimiye akagari kesheje umuhigo wa mituweli 100%

Guverineri w’intara y’Uburengerazuba Munyantwari Alphonse, yashimiye akagari ka Karambo ko mu murenge wa Kanama ho mu karere ka Rubavukesheje umuhigo wo kwitabita ubwisungane mu kwivuza, mituweli (...)

Ange Kagame yerekanye igikwiye gukorwa ngo SIDA iranduke burundu
Ange Kagame yerekanye igikwiye gukorwa ngo SIDA iranduke burundu

Umukobwa wa Perezida wa Repubulika, Ange Kagame, kuri uyu munsi Mpuzamahanga w’Abagore wa 2017, yatanze ubutumwa bwafasha amahanga kurandura burundu ubwandu bushya bwa SIDA, cyane cyane mu bakobwa (...)

Nyamasheke:Bishimiye icyemezo kibuza abaganga gukoresha telefoni zabo bari mu kazi
Nyamasheke:Bishimiye icyemezo kibuza abaganga gukoresha telefoni zabo bari mu kazi

Kuva tariki ya mbere Werurwe uyu mwaka nta muganga cyangwa umuforomo wemerewe kwinjirana mu kazi telefoni ye igendanwa nk’uko byari bisanzwe mbere, kikaba ari icyemezo cyafashwe na Minisiteri (...)

81,5%  by’Abanyarwanda banduye virusi itera Sida bafata imiti
81,5% by’Abanyarwanda banduye virusi itera Sida bafata imiti

Ikigo giharanira uburenganzira bwa muntu mu by’ubuzima (Health Development Initiative) kivugako abafata imiti igabanya ubukana bwa Virisi itera SIDA mu Rwanda bari ku kigero cya 81,5%. Mu nama (...)

Ngororero: Ingabo z’u Rwanda zatangiye kuvura abarokotse Jenoside basaga 900
Ngororero: Ingabo z’u Rwanda zatangiye kuvura abarokotse Jenoside basaga 900

Abarokotse Jenoside yakorewe Abatutsi bo mu Karere ka Ngororero barishimira ubuvuzi ingabo z’u Rwanda zirimo kubaha zibasanze iwabo, bakaba bavuga ko ari igikorwa cy’indashyikirwa kiyongera ku kuba (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.