19°C , Showers | Kigali-Rwanda
Umuyobozi wa Prime Life Insurance Minani Gregoire wizeza abakiriya babo kujya bagobokwa vuba hifashishijwe ikoranabuhanga

Uburyo “Prime Insurance Company” itangamo serivisi, bituma yishimirwa

Yanditswe na Sezibera Anselme

Ku ya 10-12-2018 saa 17:27:04

Umuyobozi wa Sosiyete y’Ubwishingizi Prime Life Minani Gregoire, ashimangira ko uburyo bahisemo nka “Prime Insurance Company” bwo gutanga serivisi ku baturarwanda zijyanye n’ubuzima ndetse n’ubw’ibintu, ari byo bituma buri wese yishimira kubagana no kubisunga kuko ziciriritse kandi zikihuta.

“Prime Insurance Company” yatangiye mu 1995 yitwa COGEAR, mu 2001 itangiza ubwishingizi bw’ubuzima. Mu 2009 Banki Nkuru y’u Rwanda yasohoye itegeko ko ubwishingizi bw’ubuzima butandukanywa n’ubw’ibintu. Mu 2014 COGEAR yahinduriwe izina yitwa “Prime Insurance” biturutse ku bashoramari bo muri Amerika bari bamaze kuyinjiramo.

Minani agira ati: “Nyuma y’uko 2017 Prime isubiye mu maboko y’Abanyarwanda ibarizwamo ibigo 2 birimo Prime Insurance ikubiyemo ubwishingizi bw’ibintu nk’imodoka, inkongi y’imiriro, ubwikorezi, iby’abandi umuntu yaryozwa n’imigabane.

Ku bwishingizi bw’ubuzima, Prime igatanga ubw’amashuri y’abana, ubw’izabukuru, ubwishingizi bw’inguzanyo n’ubwishingizi bw’abakozi burebana n’ubumuga bahurira nabwo ku kazi.”

Minani avuga ko kubera ko abakozi usanga nta bundi bwishingizi bagira uretse amafaranga bashyira muri RSSB, umwihariko wabo batandukaniyeho n’abandi ari uko umukozi ugize ikibazo hagati ashobora kwigurizaho amafaranga akayagarura cyangwa akaba yayatwara yose bitewe n’ikibazo yagize uko kimeze.

Minani avuga ko kugeza ubu “Prime Insurance Company” ifite abanyamuryango 65.000 mu gihugu hose kandi hagiye gukorwa ibishoboka byose kugira ngo uwo mubare wikube 3 hashyizwe imbaraga mu ikoranabuhanga rituma ubagana bimworohera kandi ryifashishwa mu butabazi bukorwa mu gihe nyacyo.

Kizenga Raphael ukora umwuga w’ubushoferi mu Mujyi wa Kigali, avuga ko afite ubwishingizi bw’ubuzima muri Sosiyete ya Prime kandi ari umugabo wo guhamya ko mu gihe cyose habaye ibibazo by’impanuka ibyitabira ikagoboka bwangu.

Mu buhamya bwe agira ati “Nange ubwange nkora impanuka mu 2017, Prime iri mu bambere baje kumbaza amakuru, barasuzuma bamenya ukuri guhamye ku byambayeho kandi bigeze mu gihe cyo kwishyura ikurikiza impapuro zigaragaza urwego nakomeretsemo. Ibyo byangaragarije ko bitabira iyo umuntu yahuye n’amage bakuzuza inshingano zabo.”

Umuyobozi wa Prime Life Insurance Minani Gregoire wizeza abakiriya babo kujya bagobokwa vuba hifashishijwe ikoranabuhanga

Habimana Camile, ni umucuruzi w’inkweto za pulasitike, amapiyese y’amagare n’ibindi bitandukanye mu Mujyi wa Kigali kuva mu 1990. Avuga ko ubwishingizi bw’ububiko bw’ibicuruzwa bye (depot) n’ubw’amashuri y’abana, yabufashe kera mu kitwaga COGEAR ari yo yaje guhinduka Prime.

Agira ati “Ubwishingizi bw’ibicuruzwa nabutangiye kera ntangiranye na SORAS nyuma nza kujya muri COGEAR, hanyuma ubujyanye n’amashuri y’abana bwo nabutangiye mu 2010.”

Habimana avuga ko ubwishingizi ubwo ari bwo bwose bufite akamaro kuko amaze kubona inyungu mu bw’amashuri yatangiranye n’abana 3 buri umwe amutangira 7 000 bose hamwe 21 000.

Avuga ko mu masezerano bagiranye na PRIME, mu kwezi kwa Mutarama imuhamagara ikamuha sheki kandi kuva yayijyamo nta kibazo baragirana.

PRIME ifite amashami mu turere twose tw’u Rwanda kandi ikagira na telefone umukiriya ukeneye ubufasha yiyambaza.

TANGA IGITEKEREZO

Leave a Reply

Your email address will not be published. Required fields are marked *