Advertisement
 
 
 
 
 
 
 
 

Ubukungu

U Rwanda ruzakira Inama yo ku rwego rw’Isi y’Abanyeshuri biga ubuganga   

  Yanditswe na IMVAHO NSHYA
 1 month ago

 
 

Ikigo cy’Igihugu cy’Iterambere, RDB, kibinyujije mu Rwego rwo guteza imbere Ubukerarugendo bushingiye ku kwakira inama, RCB, kiratangaza ko kizakira inama mpuzamahanga y’Abanyeshuri biga ubuganga.

Itangazo RDB yashyize ahagaragara rivuga ko iyo nama yitwa World Healthcare Students Symposium (WHSS 2017) izaba ibaye ku nshuro ya karindwi, izaba kuva ku ya 23 kugeza ku ya 27 Ugushyingo 2017.

Umuyobozi ushinzwe ubukerarugendo muri RDB, Belize Kariza, avuga ko iyo nama y’iminsi itanu izahuriramo abanyeshuri ba kaminuza biga ubuganga, farumasi, ubuforomo, n’ikoranabuhanga rijyanye n’ubuzima.

JPEG - 72 kb
Belise Kariza, umuyobozi w’ishami ry’ubukerarugendo muri RDB

Bazaganira ku bibazo bitandukanye byugarije ubuzima bw’abatuye Isi muri iki gihe, bungurane ibitekerezo ku buryo byakemuka.

Kariza yavuze ko u Rwanda rushimishijwe no kwakira iyo nama ati “Twishimiye kuzakira iyi nama, turasaba abazayitabira kuzatugezaho ibyo bifuza byose kugira ngo tuzabashe kuyitegura neza.”

Urwego rushinzwe kunganira mu kwamamaza no guteza imbere ubukerarugendo mu Rwanda, RCB, rugamije gukomeza guteza imbere ubukerarugendo mu Rwanda bushingiye ku nama mpuzamahanga bukinjiriza igihugu amafaranga menshi ashoboka.

Kuva mu mwaka wa 2006, ubukerarugendo nibwo buza ku isonga mu kwinjiriza igihugu amadovize menshi.

Mu mwaka ushize u Rwanda rwakiriye inama nyinshi zikomeye zirimo iy’Ihuriro mpuzamahanga ry’ubukungu (WEF), iy’umuryango w’Ubumwe bwa Afurika, AU, iy’Ubushakashatsi mu Buhinzi ku mugabane wa Afurika, FARA, n’izindi.

Umwaka wa 2016 kandi washize mu mujyi wa Kigali hubatswe inyubako zitandukanye zishobora kwakira inama zikomeye, nka Kigali Convention Center na hotel Marriott.

 

Comments

 
 
Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.