2017-06-27 12:16:32 clouds 27o High | Kigali Rwanda

Dukurikire:
 
 

Rwamagana: Uruganda rusya amabuye ruje ari umugisha w’inyongera

Yanditswe na IMVAHO NSHYA

Kuya 2017-06-19 15:31:46

 
Share on:
 
Yasuwe:150
 
Yavuzweho:200
 
10
 
10

Ubuyobozi bw’Akarere ka Rwamagana burashima abashoramari bisunze Ikigega cy’ingwate mu Rwanda (BDF) bagashyira mu bikorwa umushinga wo gusya amabuye akoreshwa mu bwubatsi burimo n’imihanda ya kaburimbo kuko bij eari igisubizo ku bikoresho by’ubwubatsi byageraga mu karere bihenze.

Mu muhango wo gutangiza ku mugaragaro Uruganda NISSI Machinery and Construction rwubatswe mu murenge wa Gahengeri kuri uyu wa 19 Kamena 2017, Umuyobozi w’Akarere ka Rwamagana Radjab Mbonyumuvunyi, yavuze ko rugiye gutuma ibikoresho by’ubwubatsi bihenduka mu karere, n’iterambere rikiyongera.

JPEG - 317 kb
Uruganda rwatangiye gutangizwa ku mugaragaro

Yashimangiye ko ari amahirwe ku baturage baturiye uru ruganda rwiyongeye ku zindi ndwi zikora ibitandukanye mu karere, ati “Nubwo uruganda rugitangira, biragaragara ko twe twatangiye kubona umusaruro warwo rukiri mu igeragezwa. Abantu batari bafite imibereho myiza batangiye gukirigita ifaranga, kandi rurakoresha Abanyarwanda 100%.”

Alexis Tindimwebwa umwe mu bashoye imari muri uru ruganda rwatwaye arenga miliyoni 400 z’amafaranga y’u Rwanda, yashimiye ubufasha n’inkunga bahawe na BDF cyane ko ifitemo imigabane iri hejuru ya 50%.

Yakomeje avuga ko uretse gusya amabuye biyemeje guhindura imibereho y’abaturiye uruganda baha akazi Abanyarwanda batari munsi ya 100, bakaba banemereye Umurenge wa Gahengeri amafaranga y’u Rwanda 200,000 yo kugurira ubwisungane mu kwivuza abaturage batishoboye yiyongera ku 100, 000 yatanzwe mu mwaka ushize.

JPEG - 286.4 kb
Umuyobozi w’Akarere ka Rwamagana Radjab Mbonyumuvunyi, afungura ku mugaragaro uruganda rushya rusya amabuye

Diana Kareba Rutagemwa umukozi ushinzwe imishinga BDF ishoramo amafaranga yemeje ko uyu mushinga ari umwe mu mishinga ibiri bashoyemo imari bayizetye kuko ihidura imibereho y’Abanyarwanda batari bake.

Yavuze ko bahitamo umushinga bashingiye ku ubushobozi ufite bwo kwishyura banki n’imirimo izahangwa watangiye gukora, ati “Iyo umushinga twawushoyemo amafaranga ntabwo tubarekura ahubwo turabakurikirana umunsi ku wundi.”

Uretse gushora imari, BDF yorohereza abayigana kubona ingwate, ikodeshagurisha (leasing), gutera inkunga ibigo by’imari n’ibindi. Umushinga w’ubuhinzi n’ubworozi ntujya urenza ingwate ya miliyoni 500 z’amafaranga y’u Rwanda, mu gihe indi mishinga itarenza miliyoni 300.

JPEG - 248.3 kb
Abakozi ba NISSI Machinery and Construction baravuga imyato bamaze kugeraho nyuma y’igihe gito uruganda ruri mu igerageza
JPEG - 355.3 kb
Uruganda rurashimira REG yabagejejeho umuriro w’amashanyarazi ahagije
JPEG - 1.3 Mb
Uruganda rwatangiye gutunganya utubuyenge twifashishwa mu kubaka imihanda
atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE