Advertisement
 
 
 
 
 
 
 
 

Ubukungu

Perezida wa Benin yatangaje gahunda y’iterambere yakoze yigiye ku Rwanda   

  Yanditswe na IMVAHO NSHYA
 1 month ago

 
 

Perezida wa Benin, Patrice Talon ku wa Gatanu yatangaje gahunda y’iterambere yo muri iyi myaka itanu; ifite byinshi ihuriyeho na gahunda y’icyerekezo 2020 ya Leta y’u Rwanda..

Iyo gahunda yiswe PAG (large programme d’action gouvernemental) igizwe n’impinduka 77 zirimo imishinga 300. Harimo gushyiraho ahantu harindwi hagenewe ubukerarugendo hazakoreshwa mu kuzamura umubare wa ba mukerarugendo batembera muri icyo gihugu.

Jeune Afrique ivuga ko iyo gahunda izatwara miliyari 9000 z’ama CFA (hafi tiriyari 9 z’amafaranga y’u Rwand) . Muri iyo ngengo y’imari hamaze kubonekamo miliyari 1000 naho izindi zingana na 60 zizaboneka binyuze mu bikorera.

JPEG - 110.6 kb
Perezida Patrice Talon yari aherutse mu ruzinduko mu Rwanda

Umuyobozi ushinzwe ikigo cya Benin cyo guteza imbere umurage w’igihugu n’ubukerarugendo, Jose Marie Pliya yavuze ko ubwo bari mu Rwanda biboneye ko ubukerarugendo ari isoko y’umurimo n’iterambere.

Ati “U Rwanda rwamaze gushyira mu bikorwa imishinga y’ubukerarugendo, kuri ubu ubukerarugendo nibwo bwinjiza amafaranga menshi muri icyo gihugu mu gihe muri Benin bwinjiza 0.7% gusa.”

Benin yakoze iyi gahunda igendeye ku byo yigiye mu Rwanda

Mbere yo gushyiraho iyi gahunda y’iterambere, abayobozi ba Benin babanje kuza kwiyungura ubumenyi mu Rwanda. Perezida Patrice Talon we ubwe yaje mu Rwanda inshuro ebyiri akurikirwa n’amatsinda y’ikigo cy’igihugu cye gishinzwe ubukerarugendo.

Nyuma yo gutangazwa n’ibyagezweho mu Rwanda , Leta ya Benin yahise iha inshingano nshya ikigo cy’ubukerarugendo igendeye ku mikorere y’Ikigo cy’Iterambere cy’u Rwanda (RDB).

Perezida Talon yagiriye uruzinduko rw’akazi rw’iminsi itatu mu Rwanda kuva kuwa Mbere tariki ya 29 Kanama 2016 kugeza ku ya 31 Kanama, yavuze ko yari asanzwe azi imiyoborere myiza ya Perezida Paul Kagame na mbere y’uko ahabwa inshingano zo kuyobora Benin.

Talon yavuye mu Rwanda ibihugu byombi bishyize umukono ku masezerano y’ubufatanye arimo ay’ubucuruzi n’ay’ingendo z’indege.

 

Comments

 
 
Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.