Advertisement
 
 
 
 
 
 
 
 

Ubukungu

MINAGRI yifuza ko nta munyarwanda wongera kumva ko ifi ari ibiryo by’abakire   

  Yanditswe na UMUHIRE K. SAIDATH
 1 month ago

 
 

Minisiteri y’Ubuhinzi n’Ubworozi, MINAGRI ifite gahunda yo kongera umusaruro w’amafi ku buryo umunyarwanda aho ava akagera azajya abasha kuyafungura bitamugoye.

Minisitiri w’Ubuhinzi, Dr Mukeshimana Gerardine, asanga u Rwanda rufite amazi menshi nyamara uburobyi ntibutere imbere nk’uko bikwiye, ari nayo mpamvu hari gahunda yo kongera umusaruro w’amafi ukava kuri toni 27,000 ukagera kuri toni 112,000 mu myaka ibiri.

Yabivuze asoza umushinga w’Ishami ry’Umuryango w’Abibumbye ryita ku Buhinzi, FAO, na MINAGRI, wari umaze amezi 18 uteza imbere ubworozi bw’amafi bukozwe mu buryo bw’ubucuruzi mu Rwanda.

JPEG - 448.4 kb
Umusaruro w’amafi mu Rwanda uracyari muke cyane

Mukeshimana yavuze ko kugira ngo umusaruro w’amafi wiyongere bisaba imbaraga ariko ko habayeho ubushake byoroshye cyane.

Yagize ati “Mu gihugu cyacu nta hantu hatakorerwa ubworozi bw’amafi kuko ibisabwa byose birahari”.

Attaher Maiga, umuyobozi uhagarariye FAO mu Rwanda, yavuze ko mu Rwanda abakeneye amafi baruta kure umubare w’aboneka ku isoko, aboneraho gukangurira cyane cyane urubyiruko kugana uyu mwuga kuko harimo amahirwe yo gutanga akazi mu mpande zose.

JPEG - 190.8 kb
Minsiitiri Mukeshimana n’abandi bayobozi bamaze gusoza umushinga w’ubworozi bw’amafi

Kuri ubu ababishaka barigishwa uko imbuto z’amafi zibibwa mu mpande zose z’igihugu.

Ubushakashatsi bw’Ikigo cy’Igihugu cy’Ibarurishamibare (NISR) ku mirire, mu mwaka wa 2015, bwagaragaje ko abana 38% bagwingiye kandi 20% bakaba bagwingira bakiri mu nda ya ba nyina, bafite ibiro biri munsi ya 2.5.

Aha ni ho Minisitiri Mukeshimana ahera ashishikariza Abanyarwanda kugira umuco wo kurya amafi kuko byagira uruhare rukomeye mu guhashya imirire mibi.

Yagize ati “Kera Abanyarwanda ntibagiraga umuco wo kurya amafi. Ubu tugeze ku biro 2,1 ku muntu. Ibi biracyari hasi cyane kuko amafi afite ikintu kinini yongera mu mirire myiza. Ni yo mpamvu nsaba ko abantu barenga ikibazo cy’umuco kuko igihugu cyacu gishishikajwe n’imirire myiza y’abaturage.”

Karekezi Solange, umwe mu bafite sosiyete ikora ubworozi bw’amafi kimwe na bagenzi be, bavuga ko bafite ikibazo cy’uko amabanki atitabira gahunda zo gukorana nabo. Icyakora bashima ko uyu mushinga wabafashije guhindura imyumvire ndetse hakaba hari aho bavuye naho bageze.

 

Comments

pre-moderation

Igitekerezo cyanyu kiragaragara kimaze gusumwa n'umwanditsi mukuru wa Imvaho Nshya

Izina Ryanyu
IGITEKEREZO

 
 
Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Ibiciro bya lisansi na mazutu byazamutse
Ibiciro bya lisansi na mazutu byazamutse

Ikigo cy’Igihugu gishinzwe kugenzura imikorere y’inzego zimwe z’imirimo ifitiye igihugu akamaro, RURA cyatangaje ibiciro bishya by’ibikomoka kuri peteroli biratangira kubahirizwa kuri uyu wa 4 (...)

Abaturage b’i Rusizi batewe inkeke n’igiciro cy’ibiribwa cyazamutse bikabije
Abaturage b’i Rusizi batewe inkeke n’igiciro cy’ibiribwa cyazamutse bikabije

Abatuye mu mirenge hafi ya yose igize ikibaya cya Bugarama bakomeje kuvuga ko izamuka ry’ibiciro by’ibiribwa rikabije, ndetse ubu rikaba rituma bamwe batabasha guhaha. Abaganiriye n’Imvaho Nshya (...)

Yahereye kuri  29 000 frws,  ubu yubatse inzu abamo n’izo akodesha
Yahereye kuri 29 000 frws, ubu yubatse inzu abamo n’izo akodesha

Kayitesi Sophia, umuturage utuye mu mujyi wa Kigali ku Kicukiro, yabashije kwiteza imbere ahereye ku mafaranga y’u Rwanda 29,000 none ubu ageze ku rwego rwo kubaka mu mujyi wa Kigali inzu ijyanye (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.