Advertisement
 
 
 
 
 
 
 
 

Ubukungu

Abanyarwanda batari bake bagiye guhabwa akazi mu ruganda rwa Volkswagen   

  Yanditswe na IMVAHO NSHYA
 1 month ago

 
 

Sosiyete ikora imodoka y’Abadage Volkswagen na Leta y’u Rwanda byasinyanye amasezerano yo gutangiza uruganda ruteranya imodoka mu gihugu kuri uyu wa 21 Ukuboza 2016.

Ni amasezerano y’imbanziriza mushinga yashyizweho umukono n’umuyobozi wa Volkswagen muri Afurika y’Epfo, Thomas Schaefer n’Umuyobozi w’Ikigo cy’Igihugu cy’Iterambere, RDB, Amb. Francis Gatare.

Schaefer yavuze ko guhera muri uku kwezi kwa Mutarama bagiye gutangira kwiga ku isoko ry’u Rwanda ari nacyo gihugu cya kane Volkswagen igihe gukoreramo nyuma ya Afurika y’Epfo, Nigeria na Kenya.

Ati “Twizeye ko gushinga uruganda mu Rwanda bizaba ari intambwe nini y’iterambere ry’iki gihugu na Afurika muri rusange.”

JPEG - 63.5 kb
Thomas Schaefer (ibumoso) ahererekanya amasezerano na Amb. Francis Gatare

Iyi sosiyete iteganya guhugura Abanyarwanda bo kuyifasha guteranya imodoka no kuzikanika, ikazanabaha akazi. Ifite kandi n’umushinga wa ‘car sharing’ gusaranganya imodoka, aho umuntu azaba yemerewe gutwara imodoka akanayisangira n’abandi.

Ibi byitezweho kugabanya umubyigano w’imodoka mu muhanda no kurengera ibidukikije. Ibi ninabyo byagarutsweho na Amb. Francis Gatare, wemeza ko imodoka Volkswagen izakorera mu Rwanda zizaba zidasohora ibyuka bihumanya ikirere kandi ntizinywe lisansi nyinshi.

Ati “Tuzakora ibishoboka byose tuzane imodoka zidasesagura lisansi kandi ntizangize ibidukikije.”

Biteganyijwe ko umwaka utaha wa 2017 uzasozwa uruganda ruteranyiriza imodoka za Volkswagen mu Rwanda rwatangiye gukora.

Sosiyete ya Volkswagen ifite icyicaro mu mujyi wa Wolfsburg mu Budage, yashinzwe n’Ishyaka ry’Abakozi ryo muri icyo gihugu mu 1937. Kuri ubu ni yo ikora imosoka nyinshi kurusha izinsi ku Isi.

 

Comments

 
 
Ngoma: Umusaruro w’ibishyimbo n’ibigori waragabanutse
Ngoma: Umusaruro w’ibishyimbo n’ibigori waragabanutse

Ubuyobozi bwa Koperative Rebakure Munyamurama_KOREMU, ikorera ubuhinzi bw’ibigori n’ibishyimbo kuri hegitari 400 mu murenge wa Murama buratangaza ko igihembwe cy’ihinga cya 2017A kitababereye kiza, (...)

 RAB irasaba abahinzi gucika ku birayi bya ’Peko’ bagahinga ibiryoshye
RAB irasaba abahinzi gucika ku birayi bya ’Peko’ bagahinga ibiryoshye

Abacuruzi bacuruza ibirayi mu masoko atandukanye yo mu karere ka Rubavu bavuga ko babangamiwe n’ikibazo cy’ibirayi byitwa Peko bikomeje kubatera igihombo, kuko abakiriya babigura nyuma (...)

Kicukiro: Hatangiye kubakwa  umudugudu ufite agaciro kagera kuri Miliyari 5
Kicukiro: Hatangiye kubakwa umudugudu ufite agaciro kagera kuri Miliyari 5

Akarere ka Kicukiro katangije ku mugaragaro igikorwa cyo kubaka umudugudu w’icyitegererezo (IDP Model Village) uzatuzwamo abakuwe mu manegeka ufite agaciro kagera kuri miliyari eshanu z’amafaranga (...)

Yatangiriye ku cyarahani none agiye gushinga uruganda rw’imyenda
Yatangiriye ku cyarahani none agiye gushinga uruganda rw’imyenda

Mukantwari Alvéra wo mu murenge wa Kagano mu karere ka Nyamasheke, ukorera imirimo y’ubudozi n’ububoshyi bw’imyenda n’imitako kuri site ya Rwesero ho mu karere ka Nyarugenge mu mujyi wa Kigali (...)

Rubavu:Barifuza isoko ryagutse ry’umusaruro w’ibirayi wabaye mwinshi
Rubavu:Barifuza isoko ryagutse ry’umusaruro w’ibirayi wabaye mwinshi

Bamwe mu bahinzi b’ibirayi mu murenge wa Bugeshi mu karere ka Rubavu, bavuga ko bahangayikishijwe n’ikibazo cy’isoko ry’umusaruro w’ibirayi ridahagije, kandi bejeje byinshi cyane. Aba bahinzi bavuga (...)

Advertisement

OPP. MAGERWA, EXPO GROUND, GIKONDO KIGALI, RWANDA PHONE NO : +250-784867952 / 53

© Copyright 2015: Imvaho Nshya. All rights reserved.
Powered by: RPPC.