25°C , Partly sunny | Kigali-Rwanda
Umuyobozi muri Minisiteri y’Ubutabera ushinzwe ishami ryo kwegereza serivise z’ubutabera abaturage Urujeni Martine. Ifoto/Igihe

Ubukangurambaga ku kurangiza imanza z’imitungo zaciwe na Gacaca buregereje

Yanditswe na Twagira Wilson

Ku ya 02-01-2019 saa 13:58:07

Umuyobozi muri Minisiteri y’Ubutabera ushinzwe ishami ryo kwegereza serivise z’ubutabera abaturage Urujeni Martine, avuga ko ku bufatanye n’izindi nzego hagiye gutangira ubukangurambaga bugamije gukangurira abaturage kurangiza imanza z’imitungo zaciwe n’Inkiko Gacaca, bukazatangira ku ya 21 Mutarama 2019.

Ku birebana no kurangiza imanza za Gacaca, avuga ko ubwo bukangurambaga bugiye gukorwa binyuze mu cyumweru cyahariwe ubufasha mu by’amategeko (Law Legal Aid Week), giteganyijwe gutangira guhera tariki ya 21-25 Mutarama 2019.

Ati: “Muri iki cyumweru cyahariwe ubufasha mu by’amategeko, umwihariko uzashyirwa ku manza zaciwe n’Inkiko Gacaca zitararangizwa, aho abaturage bazasobanurirwa iby’uburenganzira bwabo n’abatarishyura ku mitungo bangije batere intambwe bishyure, muri ubwo bukangurambaga, abaturage bazabwirwa n’inzira banyuramo ngo ikibazo k’imitungo kibonerwe umuti, imbogamizi zihari n’ibindi.

Muri ubwo bukangurambaga mu cyumweru cyahariwe ubufasha mu by’amategeko, abakozi ba MINIJUST mu turere bazagifatanyamo n’izindi nzego zifite ubutabera mu nshingano zazo, nk’imiryango ya Sosiyete sivili ikorera mu ihuriro Legal Aid Forum, MINIJUST aho bizagera no ku rwego rw’umurenge.

Icyumweru cyahariwe ubufasha mu by’amategeko kigiye kuba ku nshuro ya 10.

TANGA IGITEKEREZO

Leave a Reply

Your email address will not be published. Required fields are marked *