U Rwanda rurohereza icyogajuru cya mbere mu kirere iri joro

Yanditswe na Imvaho Nshya

Ku ya 27-02-2019 saa 18:12:44

Saa 23:37 z’iri joro u Rwanda ku bufatanye n’Ikigo cya OneWeb, barohereza icyogajuru cya mbere cy’u Rwanda mu kirere, icyo cyogajuru kikaba cyariswe Icyerekezo.

Iryo zina ry’Icyerekezo ryatanzwe n’abanyeshuri bo mu kirwa cya Nkombo kiri mu kiyaga cya Kivu, nk’uko bitangazwa na Minsiiteri y’Ikoranabuihanga (MINICT).

Kohereza icyo cyogajuru byitezweho gufasha mu kugeza interineti mu bigo byose by’amashuri, ndetse no gutuma abanyeshuri bakangukira kwiga amasomo ajyanye n’ubumenyi bw’ibyogajuru.

Mu kanya iki cyogajuru kiroherezwa mu kirere cy’u Rwanda

U Rwanda rukomeje kwimakaza ikoranabuhanga nk’imwe mu nkingi z’iterambere rigamije guhindura imibereho y’abaturage.

MINICT ivuga ko mu kohereza icyogajuru mu kirere, hagamijwe gutegura urubyiruko kugira ngo rubashe gufasha igihugu kuba igicumbi mpuzamahanga cy’ikoranabuhanga.

Kuri ubu, ikwirakwizwa rya interineti ya 3G rigeze ku ijanisha rya 92% ku rwego rw’igihugu, mu gihe irya 4G LTE rigeze ku gipimo cya 96.6%.

U Rwanda rufatanyije na OneWeb, ikigo mpuzamahanga kizobereye mu bijyanye n’ibyogajuru, bizera ko ikoranabuhanga ryihutisha iterambere.

Minisitiri w’Ikoranabuhanga, Ingabire Paula, yavuze ko kuba abana bo ku Nkombo barise iki cyogajuru Icyerekezo, bigaragaza ko na bo basobanukiwe umumaro w’ikoranabuhanga.

Minisitiri w’Uburezi, Dr Mutimura Eugene, yashimye iki cyogajuru kigiye koherezwa mu kirere, avuga ko bizafasha mu rugama Leta irimo rwo kwimakaza ikoranabuhanga mu myigishirize.

Umwanditsi:

Imvaho Nshya

14 Comments on “U Rwanda rurohereza icyogajuru cya mbere mu kirere iri joro”

  1. U Rwanda ni igihugu gikomeye cyane subu gusa ahubwo ni guhera kera cyane . Bizwi n abera bagegerageje kuruzamo. Sasa kohereza icyogajuru ntibibatangaze ariko nanone biratangaje. Baduhaye amahoro n’isi rwayiyobora.

  2. Nibyagaciro gakomeye cyane kubona Ababa biga my ishuri ryicyaro byumwihariko mu kirwa cya Nkombo aribo bise iki cyogajuru izina.
    Nkombo yacu komeza were Imihigo.

  3. Mukosore amakosa ari minyandiko yanyu, uruhero: ikoranabuhanga ntabwo rituma ubukungu budindira ahubwo rirabwihutisha.

    Ikindi u Rwanda ruri mu rugamba ntabwo ari urugama.

  4. Nibyizako urwanda rukataza mu ikoranabuhanha, ibi byose tubikesha ubuyobozi bwiza bwimakaza uburezi mubana b’u Rwanda, abo banyeshuri nibakomereze aho abanyarwanda turabashyigikiye, turashimira ikigo kibafasha oneweb mukigisha abana burwanda ikoranabuhanga rifitiye umumaro abanyarwanda muri rusange

  5. Gusa biragoye kubyiyumvisha ark turanezerewe , ubuyobozi dufite burashoboye , erega sino kuzamura ubukungu gusa , ahubwo iyintambwe yicyi cyogajuru izatuma nabana b’Urwanda bakangukira guhanga udushya hifashishijwe iri koranabuhanga , Imana yaduhaye impano idasanzwe ,Umuyobozi wacu azatugeza kuribyinshi ,Imana ihe umugisha Urwanda .

  6. Yes is true urwanda nirukomeze mwiterambere
    Binyuze mumashuri cyane yabakiribato cane
    Tuzamure ikoranabuhanga
    Ndetse natwe twize ikoranabuhanga
    Dushyizwe hamwe haribyinshi twakunguranamu ikoranabuhanga kubryo urwandarwaku kwakomeza kuba ubukombe

  7. #yewe Pascal wee@!!uransekeje nawe kbsa!
    Ukosore abanditsi biy’inkuru nawe niwiyibagirwe pe emera ko muri kamere yamuntu bibaho kwibeshya muvandi,wadusobanurira Ijambo “URUHERO”Wanditse???
    Gir’Amahoro muva-ndi.

  8. Rwanda yacu Ngobyi iduhetse komeza uterimbere abawe turagukunda kandi turagushyikiye .
    Kugira ubuyobozi bwiza ntako bisa kuko bikugeza kuri byinshi.

Leave a Reply to Pascal Cancel reply

Email yanyu ntigaragazwa ku rubuga. Amazina na Email ni ngombwa.