17°C , Partly cloudy with thunderstorms | Kigali-Rwanda
Louise Mushikiwabo, Minisitiri w'Ububanyi n'Amahanga n'Umuryango w'Afurika y'Iburasirazuba

U Rwanda na Uganda baganiriye ku mubano – Mushikiwabo

Yanditswe na TWAGIRA WILSON

Ku ya 08-01-2018 saa 07:17:13

Minisitiri w’Ububanyi n’Amahanga n’Umuryango w’Afurika y’Iburasirazuba akaba n’umuvugizi wa Guverinoma y’u Rwanda, Mushikiwabo Louise, yatangaje ko mu biganiro byahuje mugenzi we w’ububanyi n’amahanga wa Uganda Sam Kutesa na Perezida Paul Kagame baganiriye ku mubano w’ibihugu byombi, byibanze ku bufatanye hagati y’ibihugu byo mu karere n’ukwishyira hamwe kw’ibihugu.

Minisitiri Mushikiwabo mu butumwa yanyujije ku rubuga rwe rwa Twitter, yavuze ko Sam Kutesa muri ibyo biganiro yari azaniye Perezida Paul Kagame ubutumwa bwa Perezida Yoweri Kaguta Museveni wa Uganda

Louise Mushikiwabo, Minisitiri w’Ububanyi n’Amahanga n’Umuryango w’Afurika y’Iburasirazuba

Mu byo ibiganiro byabo byibanzeho  harimo  kwihuza kw’ibihugu byo mu karere no ku bijyanye n’uko umubano w’ibihugu byombi uhagaze, ifunga n’ishimuta rya hato na hato bikomeje gukorerwa Abanyarwanda muri Uganda.

Minisitiri Mushikiwabo Ati “Abo bayobozi bombi  banaganiriye ku birebana no kwihuza kw’ibihugu byo mu karere no ku bijyanye n’uko umubano w’ibihugu byombi uhagaze hagarukwa ku ifungwa n’ishimutwa rikorerwa Abanyarwanda muri Uganda bituma hatutumba umwuka mubi hagati y’impande zombie”.

Kandi ati “Ibi bituma imiryango myinshi yo mu Rwanda isaba ko Guverinoma ko yagira icyo ikora byihuse mu kurenganura ababo.”

Ikindi yatangaje ni uko Perezida Kagame yashimangiye ko kugira ngo ubufatanye bunoge hagomba kugira igikorwa ku mpande zombi ku nyungu za buri gihugu.

 

TANGA IGITEKEREZO

Leave a Reply

Be the First to Comment!

avatar