19°C , Mostly cloudy | Kigali-Rwanda

U Bufaransa: Kagame na Macron basuye imurika ry’ibikorwa by’ikoranabuhanga

Yanditswe na MUGABO LAMBERT

Ku ya 25-05-2018 saa 09:04:45

Perezida Paul Kagame na Perezida w’u Bufaransa Emmanuel Macron basuye imurika ry’ibikorwa by’ikoranabuhanga byateguwe mu nama y’ikoranabuhanga yahuje abayobozi banyuranye ndetse n’ibigo bigitangira ishoramari mu ikoranabuhanga, yabereye i Paris mu Bufaransa.

Perezida Paul Kagame na mugenzi we w’u Bufaransa Emmanuel Macron, bari kumwe n’abitabiriye imurika ry’ibikorwa by’ikoranabuhanga ndetse na Clare Akamanzi uyobora RDB

Umukuru w’Igihugu Paul Kagame mu ruzinduko rwe mu Bufaransa ku butumire bwa mugenzi we Emmanuel Macron, ku munsi w’ejo hashize ku wa 24 Gicurasi 2018, basuye imurika ry’ibikorwa by’ikoranabuhanga, ahari ibigo binyuranye harimo n’umunani byavuye mu Rwanda.

Ni imurika ryateguwe mu nama ya ‘VivaTech’, ihuza ibigo bigitangira ishoramari mu ikoranabuhanga n’abayobozi baturutse hirya no hino ku Isi. Aba bayobozi bakaba ubwo basuraga iri murika barahereye kuri ‘stand’ ya “Kigali Innovation City”, umushinga ugamije kurerera u Rwanda n’Isi muri rusange abantu bafite ubuhanga mu bumenyi ndetse no mu ikoranabuhanga.

Gusura ibi bikorwa ni byo byasoje uruzinduko rwa Perezida Paul Kagame mu Bufaransa, aho ku munsi wa mbere warwo yagiranye ibiganiro na mugenzi we Emmanuel Macron, baganira ku mubano w’ibihugu byombi no ku mubano w’u Bufaransa n’Afurika.

TANGA IGITEKEREZO

Leave a Reply

Your email address will not be published. Required fields are marked *