26°C , Partly sunny | Kigali-Rwanda
Samputu ubwo yataramiraga abantu

U Bubiligi: Habaye igitaramo cyateguwe na “Ibuka” ishami ryaho

Yanditswe na NDAMYIROKOYE FRANÇOIS

Ku ya 16-02-2018 saa 07:02:59

I Neder-Over-Hembeek mu Bubiligi habaye igitaramo cyari cyateguwe na   Ibuka  ikorera muri icyo gihugu yitwa “ Ibuka, Memoire et Justice ASBL”.

Samputu ubwo yataramiraga abantu

Iki gitaramo cyari cyateguwe muri gahunda yo kwegeranya inkunga yifashishwa mu bikorwa bya Ibuka y’aho birimo no gutegura icyunamo cya Jenoside yakorewe Abatutsi mu 1994.

Abanyarwanda benshi n’inshuti zabo  z’abanyamahanga bitabiriye iki gitaramo  cyagenze neza.

Ambasaderi w’u Rwanda mu Bubiligi Rugira Amandin na madamu we bari   bitabiriye iki gitaramo.

Mazina Deo uyobora Ibuka yo muri icyo gihugu mbere y’uko avuga ijambo nyamukuru yabanje kwerekana abo bakorana. Yavuze kandi ko  batangiye gahunda “Ibuka New Generation” akaba ari itsinda ry’urubyiruko.

Iri tsinda rimaze gukomera ngo kandi haracyakenewe n’abandi. Yibukije abantu amateka ya Ibuka ayobora avuga n’ibikorwa byayo asoza ashimira abitabiriye igitaramo anabashimira ku bw’inkunga yabo.

Muri icyo gitaramo habayemo gusangira, kwidagadura no gusabana muri rusange. Itorero Ihanika ryataramiye abantu maze nabo bacinya akadiho.

Abandi bataramiye abantu ni Jean Paul Samputu, De Gaule n’uvanga  imiziki uzwi nka DJ Flor.

Iki gitaramo cyabaye ku ya  10 Gashyantare 2018.

 

TANGA IGITEKEREZO

Leave a Reply

Be the First to Comment!

avatar