22°C , Partly cloudy | Kigali-Rwanda
Abitwaye neza mu byiciro byose nyuma yo guhabwa ibihembo

Triathlon: Ngurinzira na Uwineza ni bo begukanye irushanwa ryo kwibohora 

Yanditswe na Amani Claude

Ku ya 09-07-2018 saa 09:57:04

Ejo hashize tariki 08 Nyakanga 2018 mu mujyi wa Kigali habereye irushanwa ry’umukino  ukomatanya imikino 3 ari yo Koga, kwiruka no kunyoga igare “Triathlon” gusa hakaba harakinwe imikino ibiri ari yo kwiruka no kunyonga igare “Duathlon”.

Abitwaye neza mu byiciro byose nyuma yo guhabwa ibihembo

Iri rushanwa ryitiriwe umunsi wo kwibohora “Kigali Duathlon Liberation Challenge 2018”, abasiganwa bagomba gukoresha inzira iva kwa Makuza Peace Plaza – BK – KCB – Ecole Belge – Belgium Embassy – Marriott – SORAS – I&M Bank – Pension Plaza  bakagaruka kwa Makuza. Iyi nzira abasiganwa bagombaga kuhazenguruka, kwiruka n’amaguru (5,7 km), kunyonga igare (19km)  bakongera kwiruka n’amaguru (1.9 km), aha bakaba barakoze ibilometero 26,6.

Mu kiciro k’ingibi, Niyitanga Kevin ni we wabaye uwa mbere aho yakoresheje isaha 1, iminota 5 n’amasegonda 10, yakurikiwe na Mwami Samuel wakoresheje isaha 1.

Mu kiciro cy’abakobwa, uwitwa Uwineza Hanani ni we wegukanye umwanya wa mbere  aho yakoresheje isaha 1, iminota 6 n’amasegonda 48, ku mwanya wa  kabiri haje Karushara Theonestine wakoreshe isaha 1, iminota 12 n’amasegonda 29 naho ku mwanya wa 3 haza Mutimukeye Saidathi wakoresheje  isaha 1, iminota 12 n’amasegonda 56.

Mu kiciro cy’abagabo, Ngurinzira Jean Baptiste wakoreshe isaha 1 n’iminota 5, ku mwanya wa kabiri haje  Niyitanga Kevin wanabaye uwa mbere mu ngimbi wakoresheje isaha  1, iminota  5 n’amasegonda 10.

Muri iri rushanwa kandi hakinnye abakina bishimisha barimo bamwe mu bayobozi batandukanye b’imikino mu Rwanda nka Visi Perezdia wa Komite Olempike y’u Rwanda, Bizimana Festus, Kayiranga Vedaste wigeze kuba Visi Perezida wa FERWAFA n’abandi batandukanye.

Perezida w’ishyirahamwe ry’umukino wa Triathlon mu Rwanda “RTF”, Mbaraga Alexis yatangaje ko bishimira uko iri rushanwa ryagenze  kandi bifuza ko iri rushanwa ryaba ngarukamwaka.

Perezida wa RTF, Mbaraga Alexis (iburyo) ashyikiriza igihembo Ngurinzira wegukanye umwanya wa mbere

Yagize ati Irushanwa ryagenze neza n’ubwo hakiri byinshi dushaka kongeramo ingufu  cyane cyane ibijyanye na tekinike”.

Yakomeje avuka ko ahantu bakiniye ubusanzwe hazwi ka “Car free zone” basanze bahabyaza umusaruro. AtiTurimo kuganira n’Umujyi wa Kigali ku buryo aha hantu twajya tuhakoresha kandi iri rushanwa  rikaba ryajya riba buri mwaka”.

Kuri ubu muri RTF batangiye gutegura imikino y’Afurika izabera mu Rwanda   tariki 04 Kanama 2018.

 

TANGA IGITEKEREZO

Leave a Reply

Be the First to Comment!

avatar