21°C , Mostly cloudy | Kigali-Rwanda
Umuhanzikazi Tonzi

Tonzi yiyemeje kwita ku bana bafite ubumuga

Yanditswe na NDAMYIROKOYE FRANÇOIS

Ku ya 11-09-2018 saa 07:22:43

Uwitonze Clementine uzwi muri muzika nyarwanda ku izina rya Tonzi yatangarije Imvaho Nshya ko yiyemeje kuzajya agera ku miryango ifite abana bafite ubumuga hakarebwa uko  bagezwa mu bigo bibarera bakitabwaho.

Umuhanzikazi Tonzi

Iyi gahunda avuga ko yizeye ko izafasha by’umwihariko abo bana kurushaho kubaho neza abafite impano zikagaragara hakarebwa uburyo zatezwa imbere abandi na bo  bakigishwa gukora imirino inyuranye aho kubaho bigunze kandi bashoboye.

Iki gikorwa avuga ko yagitangiye hambere ngo gusa hari imbogamizi yagiye ahura nazo ariko avuga ko zitizigeze zituma adakomeje iyo gahunda kugeza ubwo yahuye  na mugenzi we  yagejejeho icyo gitekerezo acyakira neza biyemeza gufatanya.

Avuga ko hari abana batangiye kurererwa mu kigo kitwa “Izere mubyeyi” kibarizwa mu Busanza mu Mujyi wa Kigali ngo gusa azakomeza kuganira n’ibigo bitandukanye byita ku bana bafite ubumuga kugira ngo ibyo bigo bifate n’abandi bana.

Ati “Nzakomeza kuganira n’ibigo binyuranye kugira ngo abana banyuranye bafite ubumuga bashyirwe muri ibyo bigo.”

Gukora ibyo bikorwa abinyuza mu mushinga yise “Birashoboka dufatanyije.”

Mu  cyumweru cyatambutse Tonzi kandi yasuye ikigo “Izere mubyeyi”. Ku rundi ruhande kandi yavuze ko akomeje gutegura ibikorwa bitandukanye bijyanye n’ubuhanzi bwe.
Indirimbo Tonzi azwiho harimo iyitwa “ Na ijue”, “Sijja muvako”, “Uhorana nange”, “Shima Imana”. Umuhanzikazi Tonzi kandi aririmba indirimbo zo kuramya Imana no kuyihimbaza.

 

TANGA IGITEKEREZO

Leave a Reply

Be the First to Comment!

avatar