24°C , Intermittent clouds | Kigali-Rwanda
Abahanzi The Ben na Meddy

The Ben na Meddy bongeye gukorana indirimbo

Yanditswe na NDAMYIROKOYE FRANÇOIS

Ku ya 01-06-2018 saa 07:50:22

Mugisha Benjamin uzwi nka The Ben na Ngabo Médard Jobert uzwi nka Meddy bakoranye  indirimbo yitwa “Lose control”.

Abahanzi The Ben na Meddy

Aba bahanzi bombi  babinyujije ku nkuta zabo z’urubuga rwa Instagram bavuga ko iyo ndirimbo isohoka mu minsi ya vuba ikaba yarakorewe mu nzu itunganya umuziki yitwa “Monster”.

Meddy yagize ati “Indirimbo irenda gusohoka”. The Ben we yabajije abantu niba biteguye kubyina indirimbo bahuriyemo.  Ati “ Mwiteguye kubyina”.

Nta bwo ari ubwa mbere aba bahanzi bahuriye mu ndirimbo kuko mu bihe byatambutse baririmbanye mu ndirimbo yitwa “Ndi uw’i  Kigali”,  bari barahuriyemo na KT Kavuyo kandi banakoranye indi yitwa “Jambo” ubwo bari batari berekeza muri Leta zunze ubumwe z’Amerika .

Ku rundi ruhande aba bahanzi bombi ni abahanzi bakomeye by’umwihariko mu Rwanda gusa umunsi ku munsi ni ko bagenda bamenyekana no muri aka karere.

Ibi bigaragara aho aba bahanzi bagira icyo bandika ku mbuga nkoranyambaga bakoresha   abantu  bo  mu bihugu bitandukanye  bandika bababwira ko bakunda ibihangano byabo.

The Ben asanzwe azwi ku ndirimbo  nyinshi zirimo iyitwa “Habibi”, “Ntacyadutanya” yakoranye na Princess Priscillah, “Roho yanjye”,  “Thank you” yakoranye na Tom  Close   kandi afite n’izindi ndirimbo.

Meddy we   afite indirimbo zirimo iyitwa “Ntawamusimbura”, “Holy spirit”, “Slowly”, “Ni njyewe”, “ Burinde bucya”  n’izindi.

TANGA IGITEKEREZO

Leave a Reply

Your email address will not be published. Required fields are marked *