22°C , Partly cloudy | Kigali-Rwanda

The Ben na Dj Pius barimo guhatanira ibihembo muri HIPIPO Awards

Yanditswe na Ndamyirokoye François

Ku ya 07-01-2020 saa 14:16:25
The Ben aheruka gutaramira Abanyarwanda ku bunani muri Kigali Arena

Abahanzi Dj Pius na The Ben  bari mu bahataniye ibihembo mu byiciro bitandukanye bya Hipipo Awards.

Hipipo Awards ni ibihembo bitangirwa muri Uganda mu rwego rwo gushimira abahanzi b’Abanyafurika bitwaye neza buri mwaka.

Mu rwego rwo gushimira abakoze neza mu 2019, abategura ibi bihembo bamaze gushyira hanze urutonde rw’abahanzi bahatanye mu byiciro bitandukanye.

Dj Pius

Abahanzi b’abanyarwanda bagaragara mu byiciro bitandukanye birimo icy’indirimbo yakunzwe muri Afurika y’Uburasirazuba  harimo “Vazi” ya Mugisha Benjamin uzwi nka  The Ben na Homba Homboka  ya Rukabuza Pius uzwi nka Dj Pius.

Izi ndirimbo zihanganye n’izindi zakunzwe cyane zirimo The One ya Diamond Platnumz, Tetema ya Rayvanny na Diamond Platnumz, Parte After Parte ya Big Tril, Uno ya Harmonize, Wamlambez ya Sailors  ‘Extravaganza ya Sauti Sol bafatanyije na Bensoul, Nviiri, Crystal Asige & Kaskazini, na That’s For Me ya Vanessa Mdee na Distruction Boyz, Dj Tira, Prince Bulo na Mmmh ya Rayvanny na Willy Paul.

Mu kiciro cy’indirimbo zakunzwe cyane mu Rwanda harimo All Night ya Meddy, Naremeye ya The Ben, Igitekerezo ya King James, Day To Day ya Butera Knowless, Byakubaho ya Amalon, Homba Homboka ya DJ Pius, On Fire ya Andy Bumuntu na Katerina ya Bruce Melodie.

Hari ibindi byiciro bitaramenyekana bishobora kugaragaramo abahanzi b’abanyarwanda. Abahanzi b’abanyarwanda ntabwo bakunze guhirwa na Hipipo Awards dore ko ntawe uratwara igihembo ahataniye   n’abandi bahanzi bo mu mahanga.

Umwanditsi:

Ndamyirokoye François

Tanga Igitekerezo

Email yanyu ntigaragazwa ku rubuga. Amazina na Email ni ngombwa.