Taylor Swift yakuyeho agahigo ka Michael Jackson mu bihembo AMA2019

Yanditswe na Gisubizo Gentil M.

Ku ya 27-11-2019 saa 13:43:56
Taylor Swift yahigitse abandi bahanzi aca agahigo

Umuhanzi Taylor Swift yanikiye bagenzi be mu bihembo by’abahanzi bitangwa muri Leta zunze ubumwe z’Amerika bimenyerewe nka ‘American Music Awards’ akuraho agahigo kari gasanzwe gafitwe na Michael Jackson.

Ibi bihembo byatanzwe mu birori byabereye i Los Angeles, Taylor Swift ni umwe kuri ubu mu baciye agahigo gakomeye binyuze mu bihembo bya AMA, aho yujuje ibihembo 29, ibi bikaba bimuhesha guhita anyura ku gihangange Michael Jackson wari ufite 24.

Taylor Swift yemeza ko ubu atari umuhanzi w’umwaka gusa, ahubwo yanabaye umuhanzi w’ikinyejana nk’uko abyemeza, ndetse anatsinda nk’ufite Alubumu nziza yo mu njyana ya Pop na Rock, ndetse n’icy’umuhanzikazi ukunzwe.

Shawn Mendes na Camila Cabello begukanye igihembo k’indirimbo yabo bise ‘Senorita’ mu kiciro cya Collaboration of the Year naho Cardi B yegukana igihembo cy’umu Rapper unakora Hip-Hop yegukana icy’umuhanzi ukunzwe muri iyo njyana.

Igihembo cy’umuhanzikazi ukunzwe mu njyana ya Soul na R&B kegukanwe na Beyonce, n’aho Post Malone atwara igihembo cy’umuhanzi ufite Alubumu nziza mu baririmba Rap na Hip-Hop.

Umwanditsi:

Gisubizo Gentil M.

Tanga Igitekerezo

Email yanyu ntigaragazwa ku rubuga. Amazina na Email ni ngombwa.