19°C , Intermittent clouds | Kigali-Rwanda

Tanzania: Ingaragu zigiye kujya zikubitwa kugira ngo zishake

Yanditswe na Imvaho Nshya

Ku ya 18-10-2019 saa 12:06:12
Umuyobozi w'Intara ya Mbeya, Albert Chalamila, akubita abanyeshuri batwise uburyamo bwabo mu minsi ishize

Umuyobozi w’Intara ya Mbeya muri Tanzania, Albert Chalamila, yatangaje ko agiye gushyiraho gahunda yo gukubita ingaragu kugira ngo zive mu buselibateri.

Asobanura ko ingaragu kuzikubita bigamije kuzumvisha ko zigomba kubaka ingo, aho ukubiswe azajya asabwa gushakisha uwo barwubakana.

Chalamila yagize ati, “Ubu twatangiye gukoresha inkoni mu bintu byose, uwo tuzajya dusanga mu rugo atararongorwa ni ukumukubita kugira ngo ajye gushaka umugabo.”

Yunzemo ati, “Uwo tuzajya dusanga ari mu rugo yaranze kurongora na we ni ukumukubita kugira ngo ajye gushaka umugore, ufite imyaka ihagije agomba gushishikarizwa gushaka.”

Uyu muyobozi mu mvugo ye, yakomeje asobanura ko inkoni ari ingenzi, ati, “Inkoni zirafasha” nk’uko tubikesha Mwananchi.

Uyu muyobozi mu minsi ishize yaravuzwe cyane mu itangazamakuru, ubwo yakubitaga abanyeshuri batwitse uburyamo bwabo (dormiroty), imiryango iharanira uburenganzira bwa muntu ikabyamagana.

Dore video igaragaza ukuntu uyu muyobozi w’Intara ya Mbeya yakubise abanyeshuri

Perezida John Magufuli ariko mu ntangiriro z’uku kwezi yashimye ikubitwa ry’abo banyeshuri bo mu mwaka wa Gatanu n’uwa Gatandatu ku Ishuri Ryisumbuye rya Kiwanja riri mu Karere ka Chunya, avuga ko abana bigize nabi bakwiye gutsiburwa.

Perezida Magufuli yagize ati, “Narimo nganira n’Umuyobozi w’Intara ya Mbeya ndamubwira nti nakunze ibyo wakoze, mubwira ko ahubwo bariya bana yabakubise inkoni nkeya.” Buri umwe yakubiswe eshatu.

Yakomeje agira ati, “Nta kuntu Leta yatanga amamiliyoni kugira ngo twubake amashuri hanyuma umwana akajya kuyatwika.”

Perezida Magufuli yavuze ko yanasabye Albert Chalamila kwirukana abo banyeshuri, ati, “‘Naramubwiye nti irukana abo banyeshuri bose, n’ubuyobozi bw’iryo shuri buvanweho kuko biriya ni uburangare ku ruhande rw’ubuyobozi.”

Perezida Magufuli yavuze ko atitaye ku bamagana ikubitwa ry’abo bana ngo ni uguhonyora uburenganzira bwa muntu, ati, “Ntitwarera bajeyi abana bafite ubugoryi nk’ubu ngo ni ukubahiriza uburenganzira bwa muntu. Tugomba kureka imikino niba dushaka gutera imbere.”

Perezida Magufuli yavuze ko itegeko ribuza gukubita abanyeshuri rigomba kugururwa, umwana wigize nabi agakubitwa, ati “N’i Burayi abana barakubitwa.”

Perezida Dr John Magufuli asanga abana bigira indakoreka bakwiye gukubitwa

Mbere y’uko Magufuli avuga ibi, Minisitiri w’Ubutegetsi bw’Igihugu Suleman Jafo yari yanenze bikomeye kuba abanyeshuri barakubiswe, aho yamaganye icyo gikorwa avuga ko Umukuru w’Intara atemerewe gukubita abanyeshuri.

Umwanditsi:

Imvaho Nshya

20 Comments on “Tanzania: Ingaragu zigiye kujya zikubitwa kugira ngo zishake”

  1. Yagize neza kubatsibura. Akanyafu karahan. Ndabona yarakubise Ku kabuno. Biriya ni Sawa njye ndabyemera ahubwo no mu Rwanda rwacu babigenze batyo. Abana basigaye barigize indakoreka.

  2. No mu Rwanda byakosora byinshi aho abana bingngirwa kwiga, bakanga ishuri uwajya abatsibura igihe babaye abaswa cga barivuyemo byahindura byinshi naho ubundi niyo mpamvu turimo kugira abaswa benshi mu ishuri.

    1. Oyadaaa,sitanzaniya gusa na Bibilia irabivuga, iravuga iti:ntukabure gucyaha umwana wawe kuko numucyaha atazapfa,kd ibitugu byumupfapfa bihondeshwa ibibando.

  3. Ababagabo baradukubise muve muri ibyo. Hahahaaa nibuka inkoni zabo weeee kugeza ugize uruhu rukomeye kukabuno. Biri muburere bwiki gihugu kuva kibayeho. Ibkoni irakurya da!

  4. inkoni irakwiye hakuna shida yo yote ya gupiga Mjinga ,if you consider Human rights what Human rights those students respected by burning their dormitories!their rights also should not be considered by retaliation.

  5. I condemned this act of punishing singles bcz the right to marry or not should be guaranteed by country’s main laws instruments in the chapter of freedoms,I think nobody would compelled to marry in order to delight a leader or any one else; this would be contrary to the principe of free consent in the formation of family.

  6. Biriya birakuraho inzererezi nyinshi bahungire mumashuri batinya gukubitwa,ikindi kandi Tanzania ni igihugu gikize niyo washaka ntiwabura uko utunga umuryango

  7. Yewe,nukubavutura rwose,baje bashaka,ubu célibataire ntibukabe indwara y’intakira kandi buuroroshe kuvura.ariko bashire gahunda inozr uo kwigisha bashimitse uburyo ingo zigomba kwubaka,kuko nabundi uko ndabazi abo bavukagihugu,ntabwo boshobora kuba abaf Fidel,birabagora kandi ukutubahana nubuhumbu nibyo bituma badashaka

  8. Imvaho Nshya mukomereze aho kuduha amakuru meza, ubu noneho murimo kwandika inkuru zikenewe nabasomyi. Ubushize mwaduhaga amatangazo ariko nkiyi nkluru ni nziza mushake n’izindi nk’iyi pe.

  9. Ariko uwo muyobozi ntacyo azi ku mibereho y’ingo no kuba gushaka atari itegeko? Ubwo araje akubite n’ibiremba cyangwa? Abayobozi nk’aba bakwiuye kwirukanwa bagashaka ibindi bajya gukora bitari ukuyobora abaturage afite ubujiji nk’ubo bujejeta. Ahubwo se abantu bose baremewe kubaka ingo? Asyi

  10. Njye nshyigikiye uyu muyobozi kuko aba bana Bari barigize nabi rwose arko nogushaka nabyo inkoni nitangira kurisha abenshi bazashaka kuko nibyo bituma inda zindaro yiyongera bashake rwose .

    1. Uwo muyobozi y’umva yarahiriwe akagirango nabandi nuko byajyenda umuntu wese ajya kuvuka Nyagasani yamiteguriye uwo bagomba kubana kandi ashyiraho nitariki ntarengwa bagomba kubaniraho ubwo rero iyo simpamvu umuntu yahubuk kandi wamuyobozi wee wibuke ko harinabo nyagasani yanga ko bashak ariko ikabaha ubutunzi bagatunga abandi

    2. Njye mbona gukubita umunyeshuri utiga uko bikwiye ari sawa. Ariko kubaka urugo byo mbona umuntu atagakwiye kubihatira undi.

  11. Icyo Tanzania yakoze nicyo.
    1/ntabwo uburenganzira bwumwana bumwemerera kwangiza ibikorwa remezo ,ahubwo nyuma yogukutwa bagombaga kyjyanwa mukigo ngorora muco.

    2/Gukubita abanze gushaka nibyo ,kuko niba afite ubushobozi bwokuba yatunga umuryango kd yujuje imyaka yubukuru icyatuma adashaka iki!
    Wasanga banga gushaka bakabyarira iwabo kd babyarirwa nizindi ngaragu!

    1. Jye ibi ndabyemera no murwanda bazabishyireho abana basigaye bakubita abarimu ngo ntihakagire ukubitwa?oya oya oya pe ntamwana utacyashwe abubu ni bajeyi ingaruka zizagera kubuzukuru bacu

Tanga Igitekerezo

Email yanyu ntigaragazwa ku rubuga. Amazina na Email ni ngombwa.