18°C , Partly sunny | Kigali-Rwanda

Taekwondo: U Rwanda rwegukanye imidali 12 muri shampiyona y’Afurika

Yanditswe na BUGINGO FIDELE

Ku ya 03-04-2018 saa 09:42:22

Ikipe y’u Rwanda mu mukino wa Taekwondo, uyu munsi tariki 03 Mata 2018 iragaruka mu Rwanda ivuye muri Maroc ayo yari yitabiriye  amarushanwa atandukanye arimo na shampiyona y’Afurika. 

Aya marushanwa yabereye mu mujyi wa Agadir kuva tariki 28 Werurwe kugeza tariki ya 01 Mata 2018. Ikipe y’u Rwanda yari igizwe n’abakinnyi 16 yatahanye imidali 12.

Bamwe mu bakinnyi b’u Rwanda ubwo begukanaga imidali mu kwiyereka

Iyi midali  yabonetse mu kiciro cy’abafite ubumuga muri shampiyona y’Afurika “African Para Taekwondo Championships 2018”, u Rwanda rwegukanye imidali 4 harimo umudali wa zahabu wegukanywe na  Rukundo Consolee mu kiciro cy’abakobwa, Bizumuremyi JMV  na   Nikwigize Jean De La Croix  begukana umudali  wa Bronze.

Mu kwiyereza “African Poomsae Championships 2018”, u Rwanda rwasoje ku mwanya wa gatatu inyuma ya Maroc na Senegal aho rwegukanye imidali 9.

Aha Uwayo Clarisse yegukanye umudali wa Bronze ku giti ke n’umudali wa Bronze afatanyije na Kayitabe Benon. Muri iki kiciro kandi, Kayitare Benon usanzwe ari na Kapiteni w’ikipe y’igihugu yegukanye umudali w’umuringa ku giti ke ndetse n’umudali wa Bronze ari kumwe na Uwayo Clarisse.

Martin Koonce usanzwe ari umuyobozi wa tekinike mu ishyirahamwe ry’umukino wa Taekwondo mu Rwanda “RTF” yegukanye umudali wa Bronze ku kwiyereka ku giti ke n’umudali wa Bronze ari kumwe na Mbonigaba Boniface usanzwe ari umunyamabanga mukuru wa RTF.

Mbonigaba Boniface ari kumwe na Bagire Irene usanzwe ari umutoza mukuru w’ikipe y’igihugu nabo begukanye umudali wa Bronze nk’ikipe.

Mu marushanwa abiri yandi arimo shampiyona y’Afurika y’abadafite ubumuga “African Senior Championship 2018” ndetse n’irushanwa ritegurwa na Perezida w’ishyirahamwe ry’umukino wa Taekwondo ku Isi “2018 the  2nd WT Presidents Cup” nta mudali u Rwanda rwabashije kwegukana.

 

Ubwo ikipe y’u Rwanda iraba igeze mu Rwanda, ikipe y’igihugu y’abatarengeje imyaka 17 muri uyu mukino nayo irahaguruka mu Rwanda yerekeza  mu mujyi wa  Hammamet muri Tunizia aho igiye kwitabira  imikino  yo  gushaka itike y’imikino Olempike  y’urubyiruko “ Youth Olympic Games 2018” izabera Buenos Aires muri Argentina kuva  tariki  6, kugeza 18 Ukwakira 2018. Uretse iyi mikino kandi ikipe y’u Rwanda hariya muri Tunizia izanakina shampiyona y’Isi. Aya marushanwa yombi azaba  tariki 04-14 Mata 2018.

Muri iyi mikino u Rwanda ruzahagararirwa n’abakinnyi 6 barimo abahungu 3 ari byo Byukusenge Eric, Sekanyambo Jean Paul, Niyomugabo Happy n’abakobwa 3 ari bo Umurerwa Nadege, Benimana Yvonne na Umuhoza Adinette

TANGA IGITEKEREZO

Leave a Reply

Be the First to Comment!

avatar