19°C , Mostly cloudy | Kigali-Rwanda
Dream TC yegukanye igikombe k'irushanwa ryo kwibuka ku nshuro ya kane

Taekwondo: Dream TC ni yo yegukanye igikombe k’irushanwa ryo kwibuka

Yanditswe na NKOMEJE GUILLAUME

Ku ya 13-06-2018 saa 06:06:16

Ikipe ya Dream TC yo mu Gatenga ni yo yegukanye igikombe k’irushanwa ryo kwibuka “Abasportifs” bazize Jenoside yakorewe Abatutsi mu  1994 “Taekwondo Genocide Memorial Tournament 2018” ryabereye muri Vision Jeunesse Nouvelle i Rubavu tariki 9 Kamena 2018.

Dream TC yegukanye igikombe k’irushanwa ryo kwibuka ku nshuro ya kane

Irushanwa ryo Kwibuka ry’uyu mwaka wa 2018 ryakinwe mu byiciro bitandukanye birimo ingimbi n’abangavu, abakuru ndetse n’abafite ubumuga ryari ryitabiriwe n’amakipe atandukanye aturutse mu bihugu birimo u Rwanda (12), u Burundi (1), RDC (3) na Kenya (3).

Dream TC imwe mu makipe yari ihagarariye u Rwanda yitwaye neza yegukana imidari myinshi mu byiciro bitandukanye biyihesha gutwara igikombe k’iri rushanwa ryabaga ku nshuro ya 5 zirimo 3 ryabaye ari mpuzamahanga.

Uko abakinnyi ba Dream Taekwondo Club bitwaye muri rusange

 Mu kiciro cy’abakobwa bakiri bato, Umutoniwase Kevine yegukanye umudari wa zahabu naho Benimana Yvonne na Umuhoza Adinette bombi batwara imidari itatu y’umuringa.

Mu bahungu, Cyubahiro shema na Nteziyaremye Ismael bombi batwaye umudari wa zahabu, Byukusenge Eric, Mucyo Ivan na Ndacyayisenga Yabes begukana imidari ibiri ya Feza.

Mu kiciro cy’abagabo, Munyakazi Vincent yegukanye umudari wa zahabu, Twizeyimana Musah atwara imidari ibiri ya Feza.

Mu bagore, Ndacyayisenga Aline yegukanye umudari wa zahabu, Umurerwa Raissa atwara imidari ibiri ya Feza ndetse Akimana Beatrice atwara imidari itatu y’umuringa.

Iyi kipe ikaba yegukanye iki gikombe cyo kwibuka ku nshuro ya kane mu nshuro 5 cyahataniwe (2014, 2016, 2017 na 2018).

TANGA IGITEKEREZO

Leave a Reply

Be the First to Comment!

avatar