17°C , Partly cloudy | Kigali-Rwanda
Aha hari mu bukwe bwa Super Sexy

Super Sexy yaciye amarenga yo gutandukana n’umugabo we w’umuzungu

Yanditswe na Ndamyirokoye François

Ku ya 09-03-2019 saa 17:40:13

Umunyarwandakazi Hycenthe Weber uzwi nka Nana Super Sexy ku mbuga nkoranyambaga birakekwa ko yaba yaratandukanye n’umugabo we w’Umunyamerika bari bamaranye imyaka itanu.

Uku gukeka kwatewe n’uko yerekanye intoki ze zitacyambaye impeta n’imwe, ashyiraho n’amagambo agaragaza ko urukundo rwe n’umugabo we rwageze ku musozo.

Super Sexy ubarizwa muri Leta Zunze Ubumwe z’Amerika, wari umaze imyaga igera kuri itanu abana n’umugabo we, abinyujije ku rubuga rwa Instagram yagize ati: “Ndi guhisha ibyiyumviro byange, ndambiwe kubigumana mu mutwe wange… imyaka itanu yari ihagije abantu bakwiye kumva ko nari ndambiwe”.

Ntiyigeze atangaza icyo yapfuye n’umugabo we, dore ko yari amaze iminsi yerekana amafoto n’amashusho bari kumwe, bisa n’aho urukundo rusendereye mu rugo rwabo.

Uwari umugabo we Matt Weber wagaragaje ko ari we ntandaro yo gutandukana kwabo amusaba imbabazi.

Ati: “Bavuga ko dukorera amakosa abantu dutinya cyane ko twabura. Mbabarira rukundo rwange.”

Mu 2016 Super Sexy wabaga muri Uganda n’umugabo we baje mu Rwanda aramusaba aranamukwa. Icyo gihe umuhanzikazi Knowless Butera ni we wamuherekeje.

Ku rundi ruhande abantu batandukanye bakoresha imbuga nkoranyambaga bazi Nana Super Sexy nk’umukobwa wabaye icyamamare kubera amafoto yiganjemo agaragaza uburanga bwe.

Uyu mukobwa kandi yagaragaye mu mashusho y’indirimbo zitandukanye zirimo iyitwa Sofia ya Senderi International Hit, n’iyitwa 18 N over’ ya Bebe Cool n’izindi.

Aha hari mu bukwe bwa Super Sexy

TANGA IGITEKEREZO

Leave a Reply

Your email address will not be published. Required fields are marked *