23°C , Mostly cloudy | Kigali-Rwanda
Ikipe ya Juventus imaze iminsi yitwara neza izakina na Bologna

Star Times irerekana imikino ya 1/8 k’igikombe k’igihugu cy’u Butaliyani

Yanditswe na Nkomeje Guillaume

Ku ya 11-01-2019 saa 11:15:58

Abakunzi b’umupira w’amaguru nta bwo bazicwa n’irungu kuko mu mpera z’iki cyumweru bazakurikirana imikino itandukanye y’igikombe k’igihugu cy’u Butaliyani “Coppa Italia” aho igeze muri 1/8, izanyura ku miyoboro itandukanye ya sosiyete icuruza amashusho “StarTimes”.

Mu mikino 3 itegerejwe ku wa Gatandatu tariki 12 Mutarama 2019, Lazio ifite iki gikombe inshuro 6, izakira Novara yo mu kiciro cya 3 ubere kuri Stadio Olimpico y’i Roma (16h00), Sampdoria izakina na AC Milan (19h00), Bologna izakine na Juventus (21h45).

Ku Cyumweru tariki 13 Mutarama 2019, ikipe ya Torino izakina na Fiorentina (16h00), Inter Milan izakire Benevento (19h00) naho Napoli izakine na Sassuolo (21h45).

Iyi mikino izakomeza ku wa Mbere tariki 14 Mutarama 2019, aho Cagliali izakira Atlanta (18h00) ndetse Virtus Entella nayo yo mu kiciro cya 3, izasure AS Roma (22h00).

Juventus ni yo ifite igikombe k’iri rushanwa yegukanaga ku nshuro ya 13, zirimo enye ziheruka (2015 kugeza 2018), yatsinze AC Milan ku mikino wa nyuma ibitego 4-0.

Ikipe ya Juventus imaze iminsi yitwara neza izakina na Bologna

TANGA IGITEKEREZO

Leave a Reply

Your email address will not be published. Required fields are marked *