2017-12-11 11:57:22 clouds 27o High | Kigali Rwanda

Dukurikire:
 
 

Gahunda ya “Igira ku murimo” ni yo yifuzwa n’abikorera

Yanditswe na IMVAHO NSHYA

Kuya 2017-12-05 07:14:03

 
Share on:
 
Yasuwe:131
 
Yavuzweho:200
 
10
 
10

Abikorera barishimira ko gahunda ya “Igira ku murimo” isigaye yitabwaho mu myigishirize y’imyuga, bikaba bifasha abanyeshuri barangije bajya ku isoko ry’umurimo bafite ubumenyingiro kurusha uko byari bimeze.

JPEG - 296.1 kb
Abanyeshuri biga imyuga basigaye basoza amasomo bafite ubumenyigiro bushimwa ku isoko ry’umurimo

Bamwe mu bikorera baganiriye n’Imvaho Nshya bavuga ko basanga hari ikigenda gihinduka mu myigishirize y’umwuga, cyane ko na bo akenshi iyo bavuye ku ntebe y’ishuri binjira mu bikorera na bo bakabyibonera.

Mugwiza Anastase afite ibarizo, akaba atanga imenyerezamurimo ku banyeshuri basoje amashuri y’imyuga mu bubaji.

Yagize ati “Kuri ubu abasoje amasomo baza mu imenyerezamwuga usanga bafite ubumenyingiro burenze ubw’abababanjirije, bivuze ko umwanya wo kwigisha ubumenyingiro wagizwe munini ku buryo gahunda ya Igira ku murimo yaba yarahawe agaciro mu mashuri y’imyuga, kandi icyo ni cyo cyaburaga.”

Umuyobozi w’ihuriro ry’amagaraji mu Rwanda na we yunze mu rya Mugwiza, avuga ko ubumenyingiro buhabwa agaciro mu myigishirize y’imyuga kandi ko byari ngombwa.

Ati “Abanyeshuri bavuye mu ishuri basigaye binjira mu mwuga bafite ubumenyi bushimishije, igisigaye ni ukumenyera, binyuranye n’uko byahoze mu gihe cyashize.”
Avuga ko byarushaho kuba byiza mu gihe abanyeshuri na bo bashyiramo imbaraga mu gushaka ubumenyi bubaganisha ku isoko ry’umurimo.

Umukozi w’Urugaga nyarwanda rw’abikorera, PSF, ushinzwe ihuriro ry’imyuga, Benegusenga Annette, na we yagarutse kuri gahunda ya “Igira ku murimo” yemeza ko yashyizweho mu rwego rwo kongera ubumenyi butangwa mu mashuri n’ubukenewe ku isoko ry’umurimo, bikaba bifasha abatanga imirimo kubona abakozi bakenewe kandi batanga umusaruro.

Ati “Abakoresha wasangaga binubira kwakira abashaka imenyerezamwuga kuko basanga batari ku rwego rw’ubumenyigiro bukenewe, ndetse banashaka abakozi bakabona abatari abo ku rwego bakeneye, ariko ubu bitangiye kuba byiza kuko noneho abakoresha batangiye gushima ko hari impinduka batangiye kubona.

Benegusenga avuga ko abatanga amasomo y’imyuga n’ubumenyigiro bakwiye gufata umwanya munini mu kwigisha ubumenyingiro, naho ubumenyi rusange bugafata umwanya muto.

Abanyeshuri basoza amashuri y’imyuga bavuga ko igice cy’ubumenyingiro bakiga umwanya munini ungana na 80% naho ubumenyirusange bugatangwa ku kigero cya 20%.

MUGISHA BENIGNE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE