2017-11-22 08:52:40 clouds 27o High | Kigali Rwanda

Dukurikire:
 
 

Muhanga:Banki y’isi yashimye aho imirimo yo kubaka ibikorwaremezo igeze

Yanditswe na IMVAHO NSHYA

Kuya 2017-11-08 07:40:07

 
Share on:
 
Yasuwe:322
 
Yavuzweho:200
 
10
 
10

Mu ruzinduko abakozi ba Banki y’isi bakoreye mu Karere ka Muhanga, bagaragaje ko bashimishijwe n’aho imirimo yo kubaka imihanda na za ruhurura iyi banki yateye inkunga, igeze.

JPEG - 321.8 kb
Umuhanda ugana ku gakiriro ugeze ku 10 % naho ruhurura zikaba ziri hejuru ya 40% (Foto Muhizi E)

Basabye ubuyobozi bw’aka karere gukora ibishoboka byose iyi mirimo ikazaba yarangiranye n’ingengo y’imari y’uyu mwaka, nk’uko byateganyijwe mu iteganyabikorwa.

Akarere ka Muhanga aba bakozi ba Banki y’isi basuye, ni kamwe mu turere 6 dufite imijyi yatoranyijwe igashyirwa mu rwego rw’iyunganira uwa Kigali, ikaba irimo gutunganywa magingo aya.

Itsinda ry’abakozi ba Banki y’isi, ubuyobozi bw’Akarere ka Muhanga ndetse na Kampani ebyiri zatsindiye isoko ryo gutunganya imihanda na za ruhurura muri aka Karere, batambagiye mu bice bitandukanye, berekwa igipimo cy’aho imirimo igeze.

Munyaneza Géorge, Umuhuzabikorwa w’umushinga ushinzwe guteza imbere utu iyo mijyi, avuga ko bashimishijwe cyane no kubona amafaranga batanze arimo gukoreshwa neza, ku buryo iminsi bahawe izarangira imirimo yose ikozwe.

Yagize ati “Twasanze Akarere ka Muhanga kari imbere mu gukora za Ruhurura ndetse n’imihanda ugereranyije n’ahandi tumaze gusura, turifuza ko bakomereza aho ni nabyo bizabahesha indi nkunga y’ikiciro cya kabiri baramutse bubahirije amasezerano twagiranye.”

Umuyobozi w’akarere ka Muhanga Uwamariya Béatrice, avuga ko guha abaturage amafaranga y’ingurane byarangiye, akavuga ko icyo bagiye kuvugana n’inzego zitandukanye ari ukureba uko ibikorwa bitandukanye birimo impombo z’amazi, inkingi z’umuriro w’amashanyarazi ndetse n’insinga z’itumanaho zakwimurwa.

Ati “Iki kibazo nikirangira twumva ko imirimo isigaye irebana no gutunganya imihanda izihuta kurushaho, kuko inzego zirebwa n’ibyo bikorwazifite ubushake n’imbaraga zo korohereza ba rwiyemezamirimo.”

Miliyoni icumi n’imwe z’amadorari ni yo nkunga Banki y’isi yahaye Akarere ka Muhanga, magingo aya hakaba hamaze gutangwa agera kuri miliyoni 4.

Izo miliyoni zashowe mu bikorwa byo kubaka umuhanda uzanyura mu gace ka Kibirigi, uwo ku bitaro bya Kabgayi n’undi uzanyuzwa ahubatwe agakiriro, ndetse na za ruhurura eshanu muri uyu mujyi.

MUHIZI ELISÉE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE