2017-12-11 11:57:22 clouds 27o High | Kigali Rwanda

Dukurikire:
 
 

Sagamba yemeza ko hari icyo yungukiye mu mikino y’Akarere ka 5

Yanditswe na IMVAHO NSHYA

Kuya 2017-10-12 06:30:03

 
Share on:
 
Yasuwe:68
 
Yavuzweho:200
 
10
 
10

Sagamba Sedar wari mu ikipe ya Patriots BBC yari ihagarariye u Rwanda mu mikino y’akarere ka 5 muri Basketball “Zone V Club Championship 2017” mu bagabo yemeza ko hari icyo yungukiye muri aya marushanwa.

Iyi mikino y’akarere ka 5 yabereye i Kampala muri Uganda kuva tariki 1-7 Ukwakira 2017, City Oilers yo muri Uganda yisubije iki gikombe itsinze Patriots BBC ku mukino wa nyuma amanota 86 kuri 59.

Sagamba yatangarije Imvaho Nshya ko gukina iyi mikino byamuhaye kugira ubunararibonye bwo gukina imikino ikomeye yo mu rwego rw’akarere ka 5. Ati “Gukina iyi mikino, byampaye kugira ubunararibonye bwo gukina imikino ikomeye mpuzamahanga yo mu rwego rw’aka karere ka gatanu”.

Uyu mukinnyi uri mu bitwara neza muri Patriots BBC avuga kandi ko ku nshuro ya mbere yitabiraga aya marushanwa byamubereye umwanya mwiza wo kubasha guhura n’abakinnyi beza bakina Basketball bo mu karere.

Avuga ko bagaragaje urwego rwo hejuru
Sagamba Sedar ukinira Patriots BBC avuga ko bagerageje gukina neza kuko bagaragaje urwego ruri hejuru kurusha andi makipe yitabiriye muri iyi mikino n’ubwo batabashije kwitwara neza ku mukino wa nyuma ngo begukane igikombe.

Muri iyi mikino y’akarere ka 5, Patriots BBC yatakaje imikino ibiri yombi itsinzwe na City Oilers, Sagamba yemeza ko kuba baratakaje uyu mukino wa nyuma w’igikombe ahanini byatewe n’uko batangiye umukino nabi ndetse n’imbaraga bakinanye zari hasi cyane.

Sagamba akomeza avuga ko amakipe y’u Rwanda agomba kongera imbaraga mu kwitegura amarushanwa niba aba ashaka kuza ku mwanya wa mbere muri iyi mikino y’Akarere ka 5.

Mu mikino y’akarere ka 5 iheruka kubera i Dar Es Salaam muri Tanzania mu 2016, Patriots BBC yari yegukanye umwanya wa 3. Umwaka wa 2017, Patriots BBC yegukanye igikombe cya “Playoffs” inasoza ku mwanya wa kabiri muri shampiyona yatwawe na REG BBC.

NKOMEJE GUILLAUME

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE