2017-12-13 09:55:46 clouds 27o High | Kigali Rwanda

Dukurikire:
 
 

Basketball: City Oilers na KPA zisubije igikombe cy’Akarere ka 5

Yanditswe na IMVAHO NSHYA

Kuya 2017-10-09 05:55:12

 
Share on:
 
Yasuwe:75
 
Yavuzweho:200
 
10
 
10

Ikipe ya City Oilers yo muri Uganda mu bagabo na KPA yo muri Kenya mu cyiciro cy’abagore zongeye kwisubiza igikombe cy’akarere ka 5 “Zone 5 Clubs Championship 2017”.

JPEG - 320.7 kb
Ikipe ya KPA mu bagore nyuma yo gushyikirizwa igikombe cy’irushanwa ry’akarere ka 5

Iyi mikino yaberaga i Kampala muri Uganda yatangiye tariki 01 isoza tariki 07 Ukwakira 2017. Ikipe ya City Oilers yo muri Uganda yari ifite iki gikombe yegukanye umwaka ushize wa 2016 yongeye kwitwara neza yisubiza iki gikombe itsinze ikipe ya Patriots BBC yo mu Rwanda ku manota 86 kuri 59.

Iyi kipe ya City Oilers ikaba yanabonye itike yo kuzahagararira akarere ka 5 mu mikino y’Afurika y’amakipe “Africa Champions Cup for men 2017 “ muri Tunizia.
Abakinnyi 5 bitwaye neza muri iri rushanwa ni Aristide Mugabe (Patriots), Jordan Mayes (City Oilers), Kami Kabange (Patriots), Stanley Ocitti (City Oilers) na Mike Makiadi (Power). Jordan Mayes akaba ari we wabaye umukinnyi witwaye neza mu irushanwa ryose “MVP”. Amakipe 4 ya mbere mu bagabo ni City Oilers BBC, Patriots BBC, KPA BBC na Power BBC

Mu bagore, ikipe ya Kenya Ports Authority (KPA) yongeye wisubiza iki gikombe nyuma yo kwitwara ikegukana umwanya wa mbere mu makipe 7 aho yakinnye hagati yayo. Iyi kipe ya KPA hamwe na Equity zombi zo muri Kenya zikaba zarabonye itike y’imikino y’Afurika ”FIBA Africa Champions Cup for Women 2017 “, izabera muri Angola tariki 03-12 Ugushyingo 2017.

KPA muri aka karere imaze kwigarurira iri rushanwa dore ko yaryegukanye bwa mbere muri 2001 nyuma yongera kuryegukana imyaka 4 yikurikiranya (2006-2009), KPA yongeye gutwara iri rushanwa muri 2011 ndetse n’umwaka ushize wa 2016. Uretse KPA na Equity, UCU yaje ku mwanya wa 3, KCCA (4), APR BBC (5), Don Bosco (6) na Horseed (7).

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE