2017-10-18 07:03:30 clouds 27o High | Kigali Rwanda

Dukurikire:
 
 

Basketball: Patriots BBC irakina na ABC muri ¼

Yanditswe na IMVAHO NSHYA

Kuya 2017-10-05 08:31:37

 
Share on:
 
Yasuwe:126
 
Yavuzweho:200
 
10
 
10


Imikino y’akarere ka 5 “Zone 5 Clubs Championship 2017” irimo kubera i Kampala muri Uganda igeze muri ¼ cy’irangiza. Ikipe ya Patriots BBC ihagarariye u Rwanda mu bagabo irakina na ABC yo muri Tanzania.

JPEG - 285.1 kb
Patriots BBC irakina na ABC yo muri Tanzania muri ¼

Iyi kipe yari mu itsinda rya mbere hamwe na City Oilers (Uganda) ifite iki gikombe, Savio (Tanzania) na Hawasa City (Ethiopia). Patriots BBC yitwaye neza itsinda imikino ibiri aho yatsinze Hawasa City yo muri Ethiopia amanota 110 kuri 43 inatsinda Savio amanota 79 kuri 50.

Umukino wa nyuma mu itsinda A nta bwo Patriots BBC yabashije gutsinda City Oilers yo muri Uganda n’ubwo yari yagerageje aho agace ka mbere karangiye aya makipe anganya amanota 23-23, mu gace ka kabiri, City Oilers yatsinze Patriots BBC amanota 22 kuri 19. Mu gace ka gatatu Patriots yatsinze City Oilers amanota 19 kuri 15 naho agace ka nyuma City Oliers igatsinda ku manota 17 kuri 12 birangira City Oliers yegukanye intsinzi ku manota 77 kuri 73 ya Patriots BBC.

Uko imikino ya ¼ iteye

Nyuma y’imikino yo mu matsinda yasojwe tariki 03 Ukwakira 2017, uyu munsi tariki 05 Ukwakira 2017 haraba imikino ya ¼ aho Patriots BBC yo mu Rwanda ikina na ABC yo muri Tanzania (14h00), KPA yo muri Kenya igakina na Savio BBC yo muri Tanzania (16h00), City Oilers yo muri Uganda ikine na Gondar City yo muri Ethiopia (18h00) naho Power yo muri Uganda ikine na Hawassa City yo muri Ethiopia (20h00).

Mu cyiciro cy’abagore, amakipe yose uko ari 7 agomba gukina hagati yayo, ikipe ya APR BBC ihagarariye u Rwanda uyu munsi ikaba iza gukina umukimo wa 5 na UCU yo muri Uganda (12h00), umukino waraye ubaye yatsinzwe na Equity yo muri Kenya amanota 61-51.

BUGINGO FIDELE

atlantis ad

TANGA IGITEKEREZO

 
 
AMATEGEKO AGENGA IYANDIKA RY'IGITEKEREZO CYAWE